Covid-19 Lori Problema Seriu Ba Setor Privadu

DILI, STLNEWS.co – Pandemia Surtu Covid-19 lori problema neebe seriu ba setor privadu, tantu iha rai laran nomos rai liur.

“Pandemia mai lori mos problema boot ba setor privadu, ami rekonese katak sei fraku, tanba nee pandemia mai halo setor privadu barak taka sira nia atividede tan deit laiha rendimentu, nee hanesan Prezidente amara Comersiu Industria Timor Leste (CCI-TL) nafatin fo korajen ba setor privadu sira atu labele mal vontade nafatin halo esforsu, fiar katak tempu ida Covid-19 nee sei lakon,” kestaun nee fo sai husi Prezidente CCI-TL Oscar Lima ba STL Kinta nee (16/09/2021) iha nia knaar fatin Comoro.

Nia katak, bainhira ema hotu vasina hotu ona mak atividade hotu bele lao normal fali, liu – liu setor privadu tenke halo nia atividade hanesan baibain, tanba roda ekonomia iha rai laran depende mos ba setor privadu, karik setor privadu la book an susarituan atu hadia ekonomia, tanba nee setor privadu tenke halo nia atividade, selae mos todan ba governu.

Iha parte seluk, Diretor Servisu Rejistrasaun no Verifikasaun Emprezarial (SERVE) Flonrencio Sanches hatutan, los duni setor privadu hasoru problema boot iha situasaun Covid-19 nia laran, tanba nee halo kompania barak mak taka.

“Dala ruma kompania balun mai dehan atu taka sira nia kompania, maibe SERVE sempre fo motivasaun ba kompania sira katak, diak liu taka imi nia atividade deit labele taka kompania, atu nunee aban bainrua Covid-19 laiha ona, ita boot sira bele halo fali atividade, maibe razaun husi kompania sira mak, laiha rendimentu oinsa atu selu traballador sira, problema sira nee mak setor privadu sira sempre aprezenta ba SERVE,” dehan nia.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...