Covid-19 Negosiu Kiik Dada Iis

DILI, STLNEWS.co – Tuir Negosiante Domingos Doutel Soares hatete, Covid-19 negosiu kiik dada iis, tanba diariu rendimentu tuun makaas.

Domingos dehan, moris negosiante hanesan tempu laloran nee diak, tama tasi hetan ikan barak, maibe tempu ladiak la hetan ikan i fila ba uma ho rede mamuk.

Nia dehan, durante Covid-19 tama iha fulan Fevereiru tinan 2020, governu komesa implementa Estadu Emerjensia (EE), depois Serka Sanitaria (SS), Konfinametu Obrigatoriu (KO) to’o agora fulan Setembru tinan 2021.

“Hau hakarak hatete, negosiu kiik ami dada iis, tanba rendimentu  diariu tuun makaas tebes, ema la livre halo movimentu i komprador menus,” preokupasaun nee hato’o husi Domingos Doutel Soares ba STL iha kios Ilubus Colmera, Dili, Sesta nee (17/09/2021)

Covid-19 nee fo impaktu tebes ba ami negosiu kiik, tanba iha tempu normal movimentu livre ema barak sosa loron ida hetan US$ 300, maibe Covid-19, dala ruma loron ida hetan US$ 50.

Nia dehan, uluk tempu normal seidauk tama Covid-19, loron ida bele hetan US$ 300, maibe ho Covid-19 loron ida atu hetan US$ 100 mos araska, i hetan deit US$ 50 lorron ida, tanba komprador menus, sasan neebe faan iha kios Ilubus mak hanesan foos, bimoli, supermi, mantolun, susu enak, dancaw, inklui sasan sira seluk.*

Reportajen: Joaninha Belo/Blandina Mauno

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...