Defisientes 1.450 Hetan Apoiu Husi ADTL

DILI, STLNEWS.co – Iha implementasaun serka sanitaria ba pandemia Covid-19, too agora ema defisientes hamutuk 1.450 neebe hetan ona apoiu nesesidade baziku husi Assosiasaun Defisiente Timor Leste (ADTL).

Tuir Diretor Ezekutivu ADTL, Cesario da Silva katak, ema ho defisiensia nain 1.450 hetan ona apoiu husi ADTL inklui nain 54 iha Postu Laclu, Munisipiu Manatuto, sira hetan apoiu nesesidade bazika husi ADTL nee hanesan fos, mina, supermi, susu ben, masin, no deho.

“Nesesidade hijiene hanesan sabun, rinso, pepsodent inklui hand sanitizer no maskra, sasan sira nee ADTL hetan apoiu husi PHD, UNICEF, MSSI, estudante bolseiru iha Japaun, Thailand no New Zealand inklui apoiu voluntariu husi individu lubuk ida no mos kompania W-4, no Fundasaun Centro Queshadip Ruak. Iha serka sanitaria no konfinamentu obrigatoriu, ADTL liu husi postu umanitaria ba ema ho defisiensia kontinua fo apoiu ba maluk defisiente sira iha Dili laran nomos iha munisipiu balun,” dehan Cesario ba STL iha nia knaar fatin Mascarenhas, Dili, Tersa (25/05/2021).

Cesario sublina, ho situasaun defisil ida nee, ADTL nafatin buka apoiu husi parte oi-oin, hodi bele fo apoiu ba maluk defisiente sira iha ambitu SS no konfinamentu obrigatoriu ida nee.

Parte husi ADTL mos hetan apoiu fos husi governu liu husi MSSI, hodi halo distribuisaun. Total fos neebe MSSI fo hamutuk atus sia lima nulu (950) ona, neebe ADTL halo ona distribuisaun ba maluk defisiente sira, no tuir planu sira sei husu tan fos atus lima (500), atu nunee bele fo apoiu tan maluk sira seluk neebe seidauk hetan.

Iha parte seluk, Nuno de Jesus, hanesan defisiente dehan, ho aplikasaun SS ida nee, governu mos presiza fo apoiu ruma ba ema defisiente sira, tantu iha Dili ba too iha munisipiu, tanba ema defisiente sira mos infrenta problema konaba aihan, oinsa sira bele hetan apoiu ruma.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: