Denis Buka Rasik Osan Liu Husi Faan Nuu

DILI, STLNEWS.co – Denis buka rasik osan liu husi faan Nuu hodi sustenta nesesidade uma laran.

Negosiantes nuu, Denis Ramos hatete, nia faan nuu hodi sustenta família uma laran, tanba lakohi depende deit ba inan aman.

“Hau faan nuu loron-loron, meudia faan iha estrada foun Tasi Tolu no lorkraik hau mai faan fali iha dalan São João Paulo nian, tanba ema barak mai olaraga no ema sosa diak, loron ida hau bele hetan too US$ 20 resin”, informa Denis Ramos, ba STL iha São João Paulo, Sesta nee (05/08/2022).

Nia dehan, nuu neebe mak nia faan nee sosa tutan no sosa nee sira ba direta kontratu ho nuu nain, depois sira hatun rasik husi nuu hun.

Nia haktuir, sosa nee dala ruma iha Díli laran, lae ba Munisipiu Manufahi, Likisa, Baukau, no sira kontratu nee nuu fuan 3 US$ 1, depois faan fuan ida US$ 1, tanba sira ba sosa nee aluga kareta mak lori ba tula.

Nia hatete, agora la eskola, eskola SD mos la remata, nia hili dalan para eskola tanba haree inan aman moris ho agrikultor, tanba nee nia hili dalan fila liman ho nuu nunee bele hetan osan.

Osan neebe nia hetan, balu uza hodi haree nesesidade uma laran no balu kontinua sosa fali nuu hodi faan.

Denis mai husi Munisipiu Baukau no kada loron nia faan nuu nia hetan too US$ 20 no US$ 30.

(gui)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...