DILI, STLNEWS.co – Timor Leste (TL) depende makaas ba iha merkadu rai liur, tanba nee presu sasan iha ema nia rai folin sae, mak ninia implikasaun mos ba presu iha merkadu TL.
“Problema boot ida neebe mak too agora TL seidauk bele rezolve mak produsaun rai laran menus, tanba nee merkadu TL depende makaas ba merkadu rai liur, no presu iha rai liur sae implika mos ba TL, tanba ita nasaun dependensia,” lia hirak nee fo sai husi Visi Reitor UNDIL, Hugo Lourencio ba STL iha nia knaar fatin Maskerinas, Kuarta nee (26/07/2023).
Nia afirma, setor agrikultura iha TL paradu total, tanba nee dependensia nasaun nian boot ba importasaun, bainhira produtor rai liur hasae presu mak implika mai TL, no dala ruma sasan ema faan iha rai liur nia folin nornal hela, maibe too iha portu Tibar aplika taxa aas tebes, tan nee kompanhia importador sira mos tenki hasae folin, tanba nee governu tenki haree didiak asuntu nee ho seriu.
(mad)
