Dezastre Naturais, Natar – Toos Hektar 120 Hetan Estragus

DILI, STLNEWS.co – Inundasaun neebe foin dadauk akontese iha rai laran, fo ameasa boot ba agrikultur nia toos ho natar, tan nee tuir dadus pre eliminariu neebe Ministeriu Agrikultura e Peska (MAP) iha katak, agrikultur nia toos ho natar hamutuk hektar 120 mak hetan estragus iha kalamidade nee, maibe seidauk kobre munisipiu hotu.

“Kalamidade neebe foin dadauk akontese nee lori dezastre boot ba ita nia agrikultur sira, tanba nee tuir dadus pre eliminariu neebe ami iha katak, toos natar kuaze hektar 120 mak hetan estragus, maibe dadus sira nee seidauk kobre munisipiu sira hotu, dadus nee foin munisipiu balun,” dehan Diretora Jeral Agrikultura, Maria Odete do Ceo Guterres ba STL, Sabadu (08/05/2021) liu husi telefone.

Nia afirma liu tan, dadus sira nee sei pre eliminariu deit, tanba nee mak ekipa nafatin tun ba baze hodi foti dadus natar hira no toos hira mak hetan estragus iha inundasaun neebe foin akontese nee.

Tuir nia katak, ekipa sei nafatin rekolla hela dadus iha munisipiu hotu, liga ho kalamidade neebe foin dadauk akontese nee, no dadus neebe iha ona nee, mai husi munisipiu balun deit, seidauk kompletu.

Iha parte seluk reprezentante povu iha uma fukun Parlamentu Nasional, Deputadu Mariano Asanami hatete, ho kalamidade neebe akontese iha loron 4 Abril nee estraga agrikultur sira nia toos ho natar, tanba nee husu ba governu atu halo identifikasaun toos hira mak hetan estragus no natar hira mak hetan estragus, no oinsa atu apoiu husi governu.

“Hau hanoin ministeriu tenke iha dadus konkretu ruma konaba agrikultur nia aihan neebe hetan estragus iha inundasaun foin lalais nee,” dehan nia.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: