Dezempregu Aumenta, Tanba Kompania Barak Taka

DILI, STLNEWS.co – Impaktu husi serka sanitaria (SS) no konfinamentu obrigatoriu (KO), halo numeru dezempregu iha rai laran kada loron aumenta ba bebeik, tanba kompania barak taka sira nia atividade tan deit la hetan rendimentu.

Kestaun nee fo sai husi Deputadu Bankada KHUNTO, Antonio Verdial ba STL, iha Parlamentu Nasional (PN), Dili, Kuarta (26/05/2021).

“Ita haree numeru dezempregu iha rai laran kada loron kontinua aumenta ba bebeik, no tuir SERVE katak kompania barak taka sira nia atividade tan deit laiha rendimentu, susar atu selu traballador no selu taxa ba estadu, universidade kontinua produs sarjana, hanesan UNTL fo gradua online ba finalista, tan nee knaar governu maka atu kria kampu servisu ba joven sira neebe dezempregu hela,” dehan Deputadu Antonio.

Nia afirma, empreze sai hanesan xave atu kria kampu servisu ba joven sira, maibe sira nee maka taka ona atividade iha rai laran, ida nee hatudu katak dezempregu iha rai laran agora sae makaas, tanba kada universidade sei produs sarjana barak, tan nee kompetensia no responsabilidade governu nian oinsa kria kampu servisu ba joven sira.

Iha parte seluk Diretor Ezekutivu Luta Hamutuk, Jose Alves da Costa hateten, estabelesementu serka sanitaria halo kompania barak taka sira nia empreza, no ema barak lakon servisu, ema barak lakon fiar ba ukun nain sira, no ema barak lakon esperansa moris.

“Hau hanoin desizaun governu nian tenke metin taka aeroportu, taka fronteira no governu bele implementa nia programa no projetu iha rai laran tenke lao normal, hodi nunee bele kria fila fali kampu servisu ba joven sira neebe lakon ona servisu desde impase mai too Covid, governu tenke foka ba dezenvolvimentu rai laran, liu husi OJE 2021 tenke investe makaas iha setor infraestrutura bazika nomos setor turismu,” dehan Diretor nee.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: