Distributor Fos, Antrian Iha Armajen

Iha tinan 2020 nia laran, sasan importasaun neebe tama iha Portu Dili maka hanesan, fos, sumente no nesesidade baziku.

DILI, STLNEWS.co – Kompania distributor fos, kontinua antrian iha armajen Hudi Laran hodi sosa fos.

Liu husi intervista Diretor Kompania Amor, Norberto Gomes hatete, stok fos iha armajen limitadu tebes, tanba programa sesta baziku halo stok fos ho mina iha armajen menus, tan nee kompania importador fo limitasaun ba distributor sira, kada kompania ida sosa deit fos 100 saka tun fali mai, kompara antes nee la hanesan, tanba laiha limitasaun sosa konforme osan deit, maibe agora fo limitasaun.

“Ami triste tanba kompania importador sira fo limitasaun, serake iha ami nia munisipiu populasaun sira presiza tebes fos, maske folin mudansa, maibe konsumedor sira nafatin sosa, tan nee fos neebe ami sosa iha armajen 25 kg ho presu 11.075 sentavos no lori fali ba Distritu, $13 dolar kada saka, tanba sura ho kareta nian,” kestaun nee fo sai husi Diretur Kompania Amor, Norberto Gomes ba jornalista Kinta (07/01/2021) iha Armajen Fatu Hada.

Nia mos afirma liu tan katak, agora dadauk stok fos iha armajen hotu hotu nee menus tebes, problema nee akontese tanba, programa governu nian hodi implementa sesta baziku nee lao iha teritoriu tomak, tan nee stok aihan iha armajen menus, liu liu bimoli, fos no produtu sira seluk stok menus tebes.*

Reportajen: Madalena Horta/Jacinta Siqueira
Editor: Carme Ximenes

LEAVE A REPLY

Please enter your comment!
Please enter your name here