DNTT Baucau Fulan Agostu Hatama US$ 11,717.50 Ba Kofre Estadu

BAUCAU, STLNEWS.co – Diresaun Nasional Transporte Terestre (DNTT) servisu Munisipiu Baucau iha fulan Agostu tinan nee hatama reseita US$ 11,717.50 ba kofre estadu.

Lia hirak nee hato’o husi Diretor DNTT Munisipiu Baucau, Roberto da Cruz ba jornalista iha nia knaar fatin Uatulute, Segunda nee (06/09/2021).

“Total orsamentu neebe hatama iha kofre estadu hamutuk US$ 11,717.50, ida nee mak ami Diresaun Trasporte Terestre Munisipiu Baucau nia rezultadu neebe ami rekolla hatama ba kofre estadu,” dehan Roberto

Nia hatutan, fulan Agostu kompara ho fulan Jullu montante orsamentu fulan Agostu nian neebe hatama ba kofre estadu soe dook liu fulan Jullu nian, tanba iha fulan Jullu hatama deit montante US$ 23,145.00.

Hatama osan montante boot ba kofre estadu, maibe sinais tranzitu neebe mak iha Munisipiu Baucau liu – liu sidade laran iha kruzamentu no dalan velosidade sinais tranzitu no zebra cross laiha, fo impaktu ba ema nia movimentu.

Hatan ba preokupasaun nee, diretor nee hatete, kada tinan planu husi diresaun servisu Tranporte Terestre Munisipiu Baucau sempre hato’o, maibe resposta neebe mak diretor nee simu husi parte relevante sira katak, orsamentu la to’o atu koloka ba buat sira nee hotu.

Nia afirma, parte DNTT Munisipiu Baucau mos lakohi atu husik deit problema sira nee, maibe sei kontinua tau iha planu, bainhira remata Serka Sanitaria (SS) no Konfinamentu Obrigatoriu (KO) iha Munisipiu Dili no Baucau, mak sei hato’o tan preokupasaun nee ba parte relevante.

Iha fatin seluk, motorista Deonizio da Costa mos preokupa ho sinais tranzitu no zebra cross neebe mak iha Munisipiu Baucau.

“Iha dalan boot hanesan eskola ohin sira nee tenke tau zebra cross, no tau sinais tranzitu atu bele salva ema nia vida,” dehan Deonizio ho hirus.

Nia hatutan, dala ruma akontese asidente trafiku ema neebe mak loos bele sala fila fali, ema neebe mak sala loos fila fali, tanba laiha tinta mutin ida estada.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: