Durante EE, Governu Tenke Preparadu Apoiu Povu

DILI, STLNEWS.co – Politika governu nian atu ajuda nafatin povu durante Estadu Emerjensia (EE) no serka sanitaria, tenke prepara didiak politika no planu, atu nunee tipu husi apoiu labele hanesan programa sesta bazika.

Kestaun nee fo sai husi eis Prezidente da Republika Jose Ramos Horta ba jornalista liu husi konfrensia imprensa, Kuarta (28/04/2021) nee, iha nia knaar fatin Farol, Dili.

”Hau hanoin apoiu neebe governu atu fo nee, tenke ajuda duni ema sira neebe presiza tanba primeiru apoiu neebe maka governu halo ona iha tinan 2020 nee, liu husi fahe osan $200 ba kada xefi de familia, no osan nee ema hotu hetan, ema sira neebe maka salariu fulan $500 ba leten nee la hetan apoiu neebe governu fo, meius ida nee diak, maibe ita hare ba sesta bazika ema hotu hetan, ate Prezidente da Republika ho Primeiru Ministru mos hetan, lolos nee labele, apoiu nee tenke ba ema neebe presiza duni,” dehan Premiadu Nobel da Paz nee.

Nia afirma liu tan, governu tenke halo mudansa ba apoiu ida agora nee, tenke fo duni ba povu sira, labele fo funsionariu publiku, PNTL no FDTL, tanba sira nee hetan osan fulan- fulan, tan nee apoiu neebe governu atu halo tenke ba povu kiik sira.

“Iha parte seluk Deputadu Duarte Nunes hatutan, governu tenke apoiu povu kiik sira, tanba serka sanitaria halo sulan povu iha uma no lalebe sai ba mai hodi buka osan, aat liu tan povu iha munisipiu labele lori sira nia produtu mai faan iha nasional, tanba nee susar atu hetan osan, tanba nee presiza tebes tulun husi governu.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: