Durante Serka Sanitaria Distribuisaun Sesta Bazika Paradu

DILI, STLNEWS.co – Durante serka sanitaria (SS) no konfinamentu obrigatoriu iha kapital Dili, nomos ba munisipiu, halo prograrama sesta bazika sai paradu, tanba atu halo distribuisaun tenke lao tuir protukolu Organizasan Mundial Saude.

“Lolos nee programa sesta bazika labele sai paradu, maibe tanba haree ba moras Covid-19 neebe kada loron kontinua aumenta iha rai laran, tanba nee halo atividade sai paradu, no agora foin hahu fali iha Munisipiu Ermera, Baucau no Viqueque, maibe bainhira atu hahu liu husi prosesu naruk, kompania distributor no akompaniamentu sira husi governu tenke tuir tiha lai swab test no grata mos dukumentus balun tan,” dehan Ministru Koordenador ba Asuntus Ekonomikus (MKAE), Joaquim Amaral ba STL iha Parlamentu Nasional.

Nia afirma, Orsamentu Retifikavu neebe mak foin lalais Parlemtu Nasional aprova ona nee, atu foka liu ba atividade ruma, mak hanesan ekonomia, saude, no seluk tan.

Nia hatutan, pagamentu ba kompania distributor programa sesta bazika lao hela, no osan neebe ita iha kuaze millaun US$ 39 no pagamentu foin too deit millaun US$ 17, tanba nee kompania distributor sira neebe seidauk hetan pagamentu nee, governu kontinua halo halo esforsu atu seluk hotu.

Iha fatin hanesa Deputadu, Dario Madeira husu ba governu atu finaliza lalais programa sesta bazika, ho nunee orsamentu retifikativu neebe foin dadauk aprova iha PN nee bele haree fali ba apoiu seluk.

“Parlamentu Nasional aprova tiha ona orsamentu, tanba nee husu ba governu atu halo ona pagamentu ba kompania sira neebe mak governu tau fiar hodi distribui aihan sesta bazika ba ita nia povu sira, tanba kompania sira nee balun hahu halerik atu pagamentu,” dehan nia.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: