EBC Farol Hahu Aula Prezensial

DILI, STLNEWS.co – Relasiona ho governu hakotu Konfinamentu Obrigatoriu (KO) iha Munisipiu Dili, Eskola Ensinu Basica (EBC) Farol, hahu aula prezensial hanesan baibain.

Kestaun nee haktuir husi Manorin Matematika Domingos Ribeiro ba STL, iha nia knaar fatin Farol, Tersa nee (05/10/2021).

“Ami feriadu fulan tolu (3), laiha aula derrepente tama mai halao kedan ezame ba segundu periodu nian, antes nee ami fahe kedan grupu rua, A, B ba 10 no 20  siklu atu tuir ezame, iha semana kotuk nee grupu A mak ezame uluk, no horisehik grupu B ezame tan, sei termina iha semana nee,’’ dehan nia.

Dadus neebe nia observa katak, total manorin hamutuk 72 no estudante kuaze 2000 ital, numeru vasinasaun ba manorin sira kuaze 98.5%, falta manorin nain 1 mak seidauk simu vasina, tanba sofre  hela moras gravida, no estudante sira maioria mak la simu vasina, tanba ho idade minoridade husi 17 mai kraik.

Nia hatutan, durante KO estudante hotu – hotu hela iha uma deit, no governu liu husi Ministeriu Edukasaun, aplika programa eskola ba uma liu husi online, maibe depende ba estudante idak – idak, balu asesu no balun ladun asesu, tanba estudante barak mak la kaer telefone android no pulsa laiha.

Iha sorin seluk, estudante husi EBC Farol Domingos Maia katak, durante tempu KO, laiha mudansa ba estudante hotu atu aprende buat ruma.

“Ami laiha mudansa atu aprende buat ruma, liu husi eskola ba uma ka online, tanba ami barak mak la kaer telefone android, kolega balun kaer telefone, maibe pulsa mak laiha, tanba nee mak susar mai ami atu aprende buat ruma,’’ katak nia.

Reportajen: EST-07

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...