EDTL Nakfilak Ba EP; Loron 1 Ahi Mate Dala 10

Deputadu Bankada Fretilin, Antonio dos Santos “55”. (Foto: Espesial)

DILI, STLNEWS.co – Deputadu Bankada Fretilin, Antonio dos Santos “55”, hatete, EDTL uluk responsabilidade governu ahi la mate lakan, agora nakfilak ba Empreza Publiku (EP), sempre akontese loron ida eletrisidade mate lakan too dala sanulu resin. Antonio haktuir preokupasaun iha uma fukun Parlamentu Nasional (PN), liu husi plenaria Segunda (08/03/2021).

“Hau atu atu dehan, uluk EDTL sei responsablidade governu eletrisidade nunka mate hanesan nee, agora nakfilak ba Empreza Publiku (EP) sempre akontese ahi-eletrisidade mate, loron ida too dala sanulu resin, iha munisipiu Ermera,” dehan Deputadu 55.

Nia afirma, liu liu populasaun sira neebe fo kulpa ba mestri sira dehan, husik ka abandona eskola, tanba sira tun mai atu ba ATM la konsege tanba ahi mate bebeik.

Ho problema nee nia parte husu, atu hadia sistema nee, nunee labele akontese hela deit hanesan nee.

Impaktu husi ahi-eletrisidade mate lakan, estragus hotu populasaun sira nia sasan eletronik sira.*

Reportajen: Domingas Soares/ Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here