EE Hanesan Aksaun Politika Ba Povu

Akademista iha rai laran konsidera governu estende Estadu Emerjensia (EE) da-7, hanesan asaun politika neebe fo impaktu ba povu, tanba hamate ekonomia lokal. (Foto: STL/Efizenia da Costa)

DILI, STLNEWS.co – Akademista iha rai laran konsidera governu estende Estadu Emerjensia (EE) da-7, hanesan asaun politika neebe fo impaktu ba povu, tanba hamate ekonomia lokal.

Vise Reitor III Asuntu Estudantil Universidade de Dili (UNDIL), Hugo Lourenco senti triste tanba Estadu Emerjensia nee nudar aksaun politika, neebe sakrifika povu no halo povu kontinua halerik ba no hamate mos ekonomia lokal.

“Sim politika maka esplika dadaun hahu ho $ 200 dolar, ba sesta bazikas ida nee mak politika, ita triste tanba EE Emerjensia nuudar aksaun politika neebe sakrifika povu, no povu kontinua halerik, no politiku sira kontinua politiza EE hodi hamate ekonomia lokal,” dehan nia.

Nia esplika, iha parte ida governu tenki halo ida nee, so gasta osan, no planu laiha e aksaun ne sustentabilidade oinsa, maibe sira tenki inventa programa atu oinsa bele gasta osan neebe iha.

Ida ne ladiak, tanba governu tenki hare ona, oinsa mak bele hasae produsaun rai laran, presija investe iha setor produtivu Sexta Bazika.

“Neso mall gastu laiha retornu, se governu investe iha seitor produtivu, povu iha osan e retornu iha impaktu negativu mak hau dehan mall gastu sem retornu, se povu sente ladiak no protesta kona ba programa nee Kardijer ladiak,” dehan nia.

Nia hatutan, halo programa nee bainhra povu kontente e simu, se komunidade la Simu katak sira iha rajaun ruma.

Tanba nee Hugo husu ba governu tenki seriu no ukun ho fuan, no labele matan delek, tanba ema matan delek kuandu hadau poder, sei destroi RDTL nebe mak povu aileba sosa ho ran no mate.

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here