Ekipa Distribuisaun Sesta Bazika Infrenta Problema

Koordenador programa sesta bazika, Osorio Florindo. (Foto: STL/Claudios de Jesus)

DILI, STLNEWS.co – Ekipa pagamentu ou distribuisaun sasan sesta bazika infrenta problema dupla dadus benefisiariu, tanba ficha familia hakerek ho liman.

Koordenador programa sesta bazika, Osorio Florindo hatete, haree ba problema neebe parte ministeriu infrenta konaba dadus pagamentu neebe maioria dupla, tanba ho razaun ficha familia hakerek deit ho liman.

Maibe antes nee, problema refere akontese ona ba programa pagamentu $200 neebe Ministeriu Solidaridade Sosial no Inkluzaun, programa sesta bazika nee nia prosesu pagamentu hare ema ida-idak,

“Se hare ba uma kain deit ita iha 300 mill oital umakain, tanba sesta bazika nee pagamentu ba ema ida-idak, dadus labele hanesan, balu mai rejistu nee rejistu famila deit, ba iha pagamentu $200 no ba sesta bazika nee sira update dadus uma kain nian deit, maibe sira latama membru famila sira nee.” hatete nia bainhira partisipa iha serimonia dezamina informasaun konaba implementasaun programa sesta bazika, iha salaun FONGTIL, Caicoli, Kinta, (18/02/2021).

Nia esplika katak, ho programa sesta bazika nee, hetan problema dadus, no tuir mai sei halo avaliasaun ba dadus hirak nee, tanba nasaun ida presiza iha dadus no hatene total populasaun neebe mak iha.

“Hare ba iha fulan 2 nia laran deit, numeru ema moris bele too 200-300 mill, porvolta ita nia angka kelahiran (numeru moris) nee 4%,” hatete nia.

Osorio afirma, hare ba dadus numeru moris nian iha tinan 2009, kuaze sae too 7%, sai hanesan numeru neebe mak as liu iha Azia.”

Ita bele halo ona provizaun ba ita nia total populasaun ba tinan ida nee, husi parte estatika bele hatene,” Osorio afirma.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here