Ekipa Konjunta Fo Apoiu Ba Uma Kain 12 Iha Aldeia Osowake

BAUCAU, STLNEWS.co – Ekipa konjunta fo apoiu ba komunidade hamutuk uma kain sanulu resin rua (12) neebe hetan dezastre iha loron 4 fulan Abril liu ba iha Aldeia Osowake, Suku Fatulia, Postu Administrativu Venilale, Munisipiu Baucau. Informasaun nee hatoo husi Diretora Ekipa Konjuta Solidariedade, Olga Matilde ba jornalista sira iha Aldeia Osowake, Sesta (14/05/2021).

“Ajuda maluk sira neebe vulneravel hanesan dezastre neebe mak akontese iha loron haat too loron ualu fulan hirak liu ba, tanba nee mak ami mai haree maluk sira neebe mak sai vitima, fanu ami oinsa mak buka solusaun ba vitima hirak neebe mak agora dadaun lori ajuda ba uma kain sanulu resin rua iha Aldeia Osowake,” dehan Olga.

Nia esplika, apoia neebe mak ekipa lori mak hanesan nesesidade bazika kompostu husi fos, mina, sasan ba estudante sira, no mos sasan saude nian ba komunidade sira neebe afeta dezastre rai halai.

Ekipa konjuta nee hetan apoiu husi doador sira hanesan Asosiasaun HAK, kompania balu, loja kiik sira iha munisipiu Baucau laran tomak, inklui mos autoridade lokal iha munisipiu Baucau mos kontribui.

Tuir planu ekipa konjunta nian sei fahe mos ba maluk sira neebe mak afeta dezastre naturais iha postu administrativu hotu neebe mak ekipa hetan lista uma kain hamutuk ualu nulu resin neen (86).

Iha fatin hanesan, Xefe Suku Fatulia, Angelinho Moises Pereirra sente kontente, tanba ekipa konjunta ajuda ona komunidade iha Suku Fatulia, Aldeia Osowake hamutuk uma kain sanulu resin rua (12) neebe mak uma hetan estragus iha loron 4 fulan Abril 2021 liu ba.

“Ekipa konjunta husi NGO neen mak ohin mai iha nee lori hela nesesidade bazika mai neebe mak fulan kotuk liu ba rai halai, ohin sira mai bele fo apoiu atu nunee bele hakaman sira nia moris iha loron ida loron rua nia laran, iha nee xefe familia hamutuk uma kain sanulu resin rua,” dehan xefe suku nee.

Nia hateten, komunidade sira provizoriumente hela deit iha fatin eskola, maibe nivel xefe aldeia sira survey ona fatin ba komunidade sira neebe uma hetan estragus iha tempu badak nia laran sei ba bairru foun.

Nia hatutan, fatin neebe mak xefe aldeia survey ba komunidade sira nee seguru, maibe dook husi estrada, nunee xefe suku nee rekomenda ba governu atu ajuda ekipamentus ruma, nunee bele ajuda komunidade sira loke dalan foun ba bairru foun neebe mak deside ona.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: