Ekipa Rekoperasaun Ekonomia Aprezenta Medida 9

Ministru Prezidensia Konselu Ministru (MPKM), Fidelis Leite Magalhães. (Foto: MPKM)

DILI, STLNEWS.co – Planu Rekoperasaun Ekonomia, VIII Governu Konstituisonal aprezenta medida 9 ba reprezentante povu iha Parlamentu Nasional (PN).

Tuir Ministru Prezidensial Konsellu Ministru, Fidelis Manuel Leite Magalhães katak, aprezente medisa 9 husi planu rekoperasaun ekonomia.
“Ita avansa ho pakote rekoperasaun ekonomia ho medida balun lao tiha ona hodi gasta osan millaun $ 91.7 hodi implemeta medida resposta hamutuk 19. Tanba nee iha ambitu planu rekopersaun ekonomia ita konsidera medida sira hanesan agrikultura, turizmu, abitasaun, esukasaun, saude, protesaun sosial, aspetu instituisional, instalasaun fibra, okta no fonte enerjia renovavel,” dehan Fidelis liu husi plenaria iha PN, Tersa (20/10/2020).

Governante nee, realsa lkiutan, governu indetifika planu neebe halao ona liu husi faze dahuluk ho forma fazeada no kuartu prazu entre Fulan Jullu no Dezembru 2020. Ho orsamentu millaun $1134 hodi finansia atividade hotu liu husi fundu Covid-19 iha OJE 2020.

Husi montante orsamentu millaun 113 nee atribui ba programa cesta bazika hahu husi fulan Novembru no Dezembru millaun $ 71,5 subsidu retoma implementasaun hahu husi fulan jullu no dezembru ho kustu estimada millaun $ 35 dispensa kontributiva implementasaun hahu husi jullu too dezemru millaun $ 3,6 no apoiu espesial ba traballador informal hodi implementa entre Outobru no Dezembru iha tinan ida nee ho montante millaun $3,3.

Iha pajina 15 too 20 deskreve sei implenenta medida adisional hamutuk 60 relasaun ho ekonomiku pos covid-19 iha mediu tempu naruk no distribuida kada medida multiplas iha area sira no setor ekonomiku prioritariu.

Planu rekoperasaun ekonomia nee fahe ba etapa 2 etapa dahuluk nia objetivu maka atu hamenus impaktu covid-19 nian liu husi resposta prazu badak nian liuliu iha semester daruak tinan 2020 nian. Etape daruak ho medida sira mediu prazu nian ba rekoperasaun ekonomia (neebe kobre periodu tinan 2 too tinan 3.

Iha faze dahuluk nee atu evita lakon empregu, apoiu familia sira no prevene taka empreza sira ho objetivu atu mantein nivel konsumu no padraun moris nian.

Medida sira ba prazu badak inklui fahe bote nesesidade bazika nian voucher no valor 25 ba kada ema uza resitu uma kain, subsidiu rekoperasaun fulan 4 ba empreza sira neebe rezista lakon redimentu no izensaun kontribuisaun sira ba seguransa sosial.

Faze daruak nia atu hatan ba dezafiu sira neebe kauza husi pandemia nomos ba estrutural sira. faze neebe kobre area sira hanesan: Agrikultura agro-industria kiik foku ba kafe liu husi subsidu hodi apoia renovasaun plantasaun sira, alleide ai-kameli no ai-teka. ba oin governu preve implementasaun politika suptituisaun parsial ba ida importasaun liuliu husi foos.

Setor nee nia objetivu maka atu kria empreza estadu ida hodi implusiona setor nee, hadia edukasaun no formasaun profisional, reablita infraestrutura hanesan rezidensia administrador nian tuan sira no estrada rural sira no promove ekoturismu ho konvina fatin alojamentu nian ho kafe laran ka natar.

Planu nee ninia objetivu maka atu implementa programa abitasaun sosial nian ida neebe institute nasional siguransa sosial ka instituisaun foun ida maka sei jere nunee bele alkansa universalizasaun saneamentu baziku bee no enerjia eletrika iha nasaun laran tomak.

Setor nee ninia objetivu atu aumenta nia proporsaun orsamentu estadu neebe aloka ba setor nee, aumenta numeiru eskola CAFÉ. Nunee mos rede eskola sekundaria, pre-eskolar no sentru formasaun profisional no promove no rekoperasaun edefisu eskola.

Setor Saude ho nia objetivu maka aumenta gastu rekorente sira hodi hadia kualidade servisu saude nian, fortaleze apoiu finanseiru no tekniku ba sira ba programa prinsipal sira hanesan saude iha familia, saude eskolar, no sude iha servisu investe iha infrestutura no hadia formasaun ba pesoal saude nian.

Protesaun sosial ninia obetivu maka, atu kria makanismu pagamentu alternative atu evita selu osan direta no hamentus kustu, aumenta kobertura “bolsa da mae, aumenta protesaun (exemplu mate iha rejime laos kontributivu) implementa programa empregu ativu nian no avalia viabilidade husi rendimentu baziku universai ida.
Aspetu institusional ninia intesaun nee maka aprova lezislasaun hotu hotu neebe pertinente ba kestaun fundiaria sira, elabora no aprova lejislasaun emprezarial hansan rejime falensia hadia funsionamentu tribunal sira no reforma administrasaun publika.

Instalasaun fibra otika ninia objetivu maka, implementasaun fibra otika iha nasaun laran tomak liu husi fiu iha tasi okos neebe liga TL ba mundu tomak.
Fonte enerjia renovavel, sustentavel no alternative. planu nee atu halo formasaun fonte enerjia renovaven sira, liu-liu loro-matan,bee no anin.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here