Ekipa Rekuperasaun Ekonomika Propoin OJE 2021 Billiaun $1,8

Prezidente Komisaun ba Elaborasaun Rekuperasaun Ekonómika, Rui Gomes. (Photo: STL News)

DILI, STLNEWS.co – Komisaun ba Elaborasaun Rekuperasaun Ekonómika, ne’ebé lidera husi Rui Gomes, propoin ba VIII Governu atu preve Orsamentu Jeral Estadu (OJE) tinan oin 2021, ho montante Billiaun $1,8 nune’e bele uza rekuperasaun ekonomia iha rai laran.

Tuir Prezidente Komisaun ba Elaborasaun Rekuperasaun Ekonómika, Rui Gomes katak, Primeiru Ministru (PM) Taur Matan Ruak konvida ekipa rekuperasaun ekonomia, atu halo seremonia termina mandatu komisaun rekupresaun ekonomia tanba remata ona.

Iha seremonia remata termina mandatu ne’e, ekipa Rekuperasaun Ekonómika entrega ona planu konaba rekuperasaun ekonomia ba Primeiru Ministru (PM) Taur Matan Ruak, no Unidade Planeamentu Monitorizasaun no Avaliasaun (UPMA), hodi halo ajustamentu konaba indikador ne’ebé iha, atu oinsa mak transforma ba atividade iha Orsamentu Jeral Estadu 2021.

Tanba ne’e Prezidente Komisaun ba Elaborasaun Rekuperasaun Ekonómika, Rui Gomes, propoin ba governu atu preve Orsamentu Jeral Estadu (OJE) tinan oin 2021 ho total billiaun $1,8 nune’e bele implementa tuir planu ba rekupresaun ekonomia iha rai laran.

“Ami tau proposta tetu fiskal ba tinan oin 2021 billiaun $1,8 maibe bele sae oituan, tanba ida ne’e presiza atu rekupera fali ba buat ne’ebé ita lakon, maibe agora depende ba estrutrura orsamentu nee rasik, portanu komponente ne’ebé bot mak sei ba liu agrikultura, edukasaun, saúde, bee mos i habitasaun sira ne’e, mak sai hanesan komponente ne’ebé mak dadaun nee ekipa rekuperasaun ekonómika sujere,” dehan Prezidente Komisaun ba Elaborasaun Rekuperasaun Ekonómika, Rui Gomes, hafoin remata enkontru ho Xefe Governu Taur Matan Ruak iha Palasiu Governu, Dili, Tersa (18/08/2020).

Kontinua ba pagina 2

LEAVE A REPLY

Please enter your comment!
Please enter your name here