Ekonomia Rai Laran Tun Impaktu Husi Konjutura Politika – Covid

DILI, STLNEWS.co – Relasiona ho konjutura politika hahu iha 2017 mai, nunee mos situasaun Covid-19, impaktu ba ekonomia rai laran tuun tebes, nee rezultadu husi Governu bainhira realiza seminariu jornada orsamental 2022.

Kestaun nee hatoo husi Inocencio Xavier, hanesan Ofisial Ligasaun Institusional AJAR ba STL iha nia knaar fatin Farol, Kuarta (07/07/2021).

“Foin lalais hau ba partisipa jornada orsamentu 2022, hatudu ita nia ekonomia rai laran min, susar atu rekopera. Nee aprezentasaun husi PM ho Ministru Finansas, ida nee tanba ita mai ho situasaun 2 hanesan konjutura politika la estavel, hahu iha 2017 mai, implika ba OJE halo investimentu lalao, no mos situasaun agora Covid, halo ema barak lakon servisu nee susar tebes atu rekopera ekonomia,” katak Inocencio.

Nia dehan, durante tinan 20 setor produtivu sira, ita nia setor privadu sira la dun dezenvolve, sira prefere liu ba iha setor fiziku, hanesan hein projetu mai mak foin investe. Maibe ba setor agrikultura no setor sira neebe util ba kresimentu ba ekonomia kompania sira la investe.

Tuir nia, foin iha situasaun Covid nee iha kompania balu mak investe iha setor agrikultura, maibe durante tinan 5 nee seidauk koalia kona ba retornu diak ba ekonomia, tanba nee dezenvolvimentu ekonomia lalao.

Nunee mos, tanba kompania sira depende ba fundu minarai neebe aprova iha OJE, maibe depois de 2017, mai too ohin loron, orsamentu kuaze lasai, tanba tinan anterior lao ho duodesimu. Nunee mai fali agora Governu foti orsamentu, tuir ka depende ba nesesidade.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: