Ekonomia TL Seidauk Resesu

Foto Ilustrasaun: Espesial

DILI, STLNEWS.co – Ekonomia Timor Leste seidauk resesu, tanba setor hotu hotu neebe establese iha rai laran seidauk lao diak.

“Ita nia ekonomia iha TL seidauk resesu, tanba haree ba setor hotu hotu sei paradu, lolos nee aporoveita iha ho Covid-19 nee ita tenke dezenvolve makas ita nia setor agrikultura, atu nunee labele depende ba fos importasaun, maibe realidade ita nafatin hatama produtu hotu husi rai liur, tanba ita la uza oportunidade sira nee ho diak,” dehan Abel Gomes (Setor privadu) ba jornalista, iha loja Agrikultra Fatuhada, Segunda (01/03/2021).

Nia dehan setor agrikultura, peska, turismu no setor produktivu iha rai laran durante nee ladun lao, tan nee susar atu resesu ekonomia, tanba haree ba atividade hotu sei paradu, setor agrikultura foin book aan, maibe rai bokur barak sei abandona, no TL sei depende ba fos importasaun.

Iha parte seluk Deputadu Adriano do Nascimento hatutan, governu halo hela esforsu atu nunee bele rekopera ekonomia TL, no ekonomia tun tanba virus corona neebe nasaun hotu hotu hasoru, tan nee influensia ba movimentu ekonomia rai laran.

“Ita haree governu halo hela esforsu, oinsa atu rekopera hikas ekonomia iha rai laran, maibe buat hotu lori tempu,” dehan nia.*

Reportajen: Madalena Horta/Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here