EKS Ajuda Tan Familia 8

BAUCAU, STLNEWS.co – Ekipa Konjunta Solidariedade (EKS) Munisipiu Baucau kontinua ajuda familia uma kain 8 iha Postu Administrativu Baucau Villa, kompostu husi suku haat (4) neebe mak hetan estragus iha loron 4 fulan Abril liu ba.

“Sasan neebe ami fahe mak hanesan nesesidade baziku no material saude nian, ba sira neebe mak hetan estragus husi udan boot iha fulan kotuk, material sira nee ami hetan kontribuisaun husi doutor balun iha Dili, no loja kiik sira iha Baucau laran nomos husi kompania Baucau laran tomak,” dehan Diretora Ekipa Konjunta Solidariedade Munisipiu Baucau, Olga Matilda da Costa ba jornalista iha salaun Administrador do Posto Baucau Villa, Kuarta (19/05/2021).

Olga hateten, suku 4 neebe mak ohin loron hetan ajuda husi Ekipa Konjunta Solidariedade Suku Buruma, Suku Caibada, Suku Tirilolo no Suku Bucoli.

Iha fatin hanesan Administrador Postu Administrador Baucau Villa, Francisco Guterres hateten, sasan hirak neebe mak benefisariu sira simu laos atu halo kontente, maibe tuir sira nia forsa atu fo aguenta deit loron ida rua ba komunidade sira neebe mak hetan dezastre nee.

“Ida nee duni mak ita hotu buka, meius oinsa mak bele ajuda netik tuir ita nia kapasidade no forsa neebe iha ba ita nia inan aman sira, no mos ba membru balun neebe mak presiza duni. Ho razaun ida ne emak ekipa sira hadulas hela munisipiu Baucau laran tomak, tuir sira nia forsa no sira nia kapasidade,” dehan nia.

Nia parte husu obrigado ba ekipa konjunta solidariedade neebe mak fahe ona sasan ba komunidade sira, tanba ekipa nee iha duni hanoin iha duni sentimentu ba ema neebe mak hetan dezastre.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: