EKSB Kontinua Fahe Nesesidade Bazika Ba Komunidade Afetadu

BAUCAU, STLNEWS.co – Ekipa Konjuntu Solidariedade Baucau (EKSB), neebe kompostu husi ONG kolegas da Paz, UFD Rede Gas, CNJTL, FJM, feto paz, no seguransa. kontinua fo solidariedade ba komunidade sira neebe mak afeta ba dezestre naturais iha loron 4 fulan Abril liu ba.

Koordenadora ba Ekipa Konjunta Solidariedade Baucau, Olga Matilda da Costa ba STL, liu husi telefone, Sabadu (22/05/2021) hatete, objetivu fahe nesesidade bazika ba komunidade tanba ho situasaun agora nomos dezestre naturais, entaun halo komunidade afetadu sira hasoru hamlaha, tanba nee mak sira iha inisiativu harii grupu nee buka osan, hodi hola nesesidade bazika ba komunidade efetadu sira.

“Ekipa Konjuntu Solidaridade Baucau nee kompostu husi ONG kolegas da Paz, UFD Rede Gas, CNJTL, FJM, feto paz, no seguransa, sasan neebe mak ami hetan hodi fahe ba komunidade nee liu husi halo kobransa ba iha loja sira, nomos ba iha kompania sira nee tau hamutuk tiha sasan no osan neebe mak hetan nee, depois haree sasan sira nee labarak entaun ami sosa fali depois fo ba komunidade neebe mak afeta ba dezestre naturais nee,” hatete nia.

Sasan neebe mak sira fahe ba komunidade sira mak hanesan nesesidade bazika, material ba estudante, material higiene, no roupa ba labarik no inan sira.

Nia hatutan, komunidade husi Postu Administrativu Baguia mak latama, tanba husi departamentu dezestre naturais nia fo ajudus ona ba komunidade sira iha Baguia, tanba nee mak latama iha sira nia lista apoiu nia.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: