Embaixada TL Iha Japaun Halo Diplomasia Ekonomia

DILI, STLNEWS.co – Embaixada Timor-Leste (TL) iha Japaun halo visita courtezia ba Japaun External Trade Organization (JETRO) hodi koalia konaba promosaun ba investimentu entre Japaun ho Timor Leste, liu – liu iha area industria, peskas, recycling ba plastic, investimentu iha vanilla no seluk tan.

Liu husi WhatsApp, Embaixador TL iha Japaun Ilidio da Costa Ximenes hatete, iha loron 9 fulan Outubru tinan 2020, Embaixada Timor Leste iha Japaun halo visita courtezia ba iha Japaun External Trade Organization (JETRO).

Delegasaun nee kompostu husi Embaixador Ilidio Ximenes da Costa, Conselleru Nuno Marques Alves ho Nakamura inklui staff sira hodi halo enkontru ho reprezentante husi JETRO, Sasaki Nobuhiko, Chairperson no CEO, Kitagawa Hironobu, Vice Prezidente Hashimoto Ayako, Director for Global Strategic Planning Department no, Miyamoto Yuito, Desk of South East Asia, Global Strategic Development Team, hodi koalia konaba promosaun ba investimentu iha industria peskas, recycling ba plastic, investimentu iha vanilla no seluk – seluk entre Japaun ho Timor-Leste.

Mr. SASAILKI Nobuhiko asa a Chairperson and CEO of JETRO Compamy (right) Mr. da Costa, the Ambassador of Timor Leste (midlle) Mr. Hironobu Kitagawa, Executive Vice President (left), 2020

“Hau hanoin asuntu neebe ami koalia iha momentu neeba mak, oinsa atu hametin kooperasaun diak entre TL ho Japaun, aleinde nee ami mos halo promosaun ba investimentu industria peskas, recycling ba plastic, investimentu iha vanilla no seluk-seluk tan,” dehan Embaxador nee ba STL, Sesta nee (27/08/2021) liu husi WhatsApp.

Nia afirma liu tan, kontinuasaun husi sorumutu nee iha loron 29 fulan Junu tinan 2021, kontinua hasoru malu fali ho ekipa sira nee hodi diskute konaba oinsa atu halo promosaun ba investimentu iha Timor-Leste, hanesan promosaun iha area turismu komunitaria, agrikultura no peskas, formasaun ba rekursu humanus, apoiu espesialista industria ikan iha Timor Leste.

Alem sorumutu nee, iha loron 12 fulan Julhu tinan 2021, Embaixada hetan mos visita husi Vice-Prezidente JETRO, Hironobu Kitagawa ho nia equipa, Murayama Mayumi, Vice-Prezidente Institute of Developing Economies (IDE), Yasuyo SAKAGUCHI, Director Exchange and Training Division Research Operations Department ho Ms. HASHIMOTO Ayako, Director for Global Strategy (Southeast Asia) Planning Department, hodi fahe sira nia experiensia ba malu ho Embaixador Timor-Leste iha Japaun, oinsa atu tulun nasaun kiik sira liu husi investimentu no rekursu neebe iha.

Tuir Embaixador nee katak, Resultadu husi sorumutuk ba dahuluk, Japaun External Trade Organization (JETRO) liu husi IDEAS training program, oferese bolsa estudu ba Timoroan nain ida (1)  husi Trade Invest Timor-Leste, Roberto Lai, Director of External Relation and  Marketing, atu partisipa iha formasaun neebe sei hahu iha loron 1 fulan Setembru tinan 2021 to’o loron 30 fulan Janeiru tinan 2022.

Aleinde nee, Embaixada Timor Leste iha Japaun iha ona planu ho JETRO, no sei halo seminar ida konaba oportunidade halo negosiu no investimentu iha Timor Leste, partisipantes sira sei mai husi investor sira iha Japaun no nasaun sira seluk.*

Reportaje: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: