Estudu Viabilidade Dada Bee, Ermera- Dili Finaliza

Ministru Obras Públikas (MOP), Salvador Eugénio Soares dos Reis Pires. (Photo: STL News)

DILI, STLNEWS.co – Progresu Estudu viabilidade neebe halao husi kompania Internasional, ba projetu dada bee moos husi Mota Rai-Laku no Gleno, Munisipiu Ermera mai Dili finaliza.

Ministru Obras Publikas (MOP), Salvador Eugenio Soares dos Reis Pires hatete, dada bee husi Ermera mai Dili iha tinan 2019, neebe halo estudu viabilidade oin rua, hanesan ida lori bee husi Railaku no Gleno bazeia ba bee nia sulin rihun rua (2000) litrus soe deit laaproveita, ida fali maka estudu ba bee iha Dili laran atu sustenta too bainhira.

“Estudu Viabilidade bee moos husi Railaku no Gleno tama ona iha faze finalizasaun, katak viabel bele lori bee mai Dili,” katak Ministru Salvador ba Jornalista sira, iha Novu Turizmu, Dili, Kuarta (18/11/2020).

Governante nee hatutan husi estudu nee bele avansa ba dezain detailadu, neebe Enjeneriu detailadu sei informa kona ba aspeitu tekniku no osan hira maka presiza.

Nia dehan estrutura rai para halo kompozisaun dezain neebe konstetualiza tuir terenu, para bele iha infraestutura kualidade.

“Se ita ba ho barazen, tenke haree mos aspeitu sira hanesan siguransa ho kualidade,” dehan governante nee.

Ministru Salvador afirma, buat hotu diak dezenu preparadu iha 2021, kuandu 2022 iha suporta politika finanseira, krop ho Konsellu Ministru aloka osan ba MOP no fo bensaun,” ba ami nia planu hodi ita bele avansa, maibe ita labele avansa kuandu osan laiha,” Ministru Salvador salienta.*

Reportajen: Natalia Lopes
Editora: Ekipa STL

LEAVE A REPLY

Please enter your comment!
Please enter your name here