Faan Modo – Aifuan Hodi Sustenta Familia

DILI, STLNEWS.co – Negosiante Rui Soares, husi tempu Indonezia faan modo ho aifuan hodi sustenta familia uma laran.

Wainhira dada lia ho STL, iha merkadu Taibessi, Tersa (22/6/2021), Rui konta nia istoria dehan, atividade negosiu nee nia halao hahu husi tempu Indonesia.

“Hau faan durante tempu Indonezia kedas depois hodi selu oan sira ba eskola, hau iha oan nain haat, feto ida no mane haat, maibe oan nain 3 maka iha seminarista Fatumeta no oan ida agora sai ona frater, oan ida ikun nee sei SMA iha Same hela, faan sasan sira nee bele sustenta familia uma laran maibe osan nee sosa ba hahan deit no balun selu ba oan sira nia eskola, ita faan sasan nee ohin lakon aban manan, maibe laiha buat ida ami lalakon vontade hodi kontinua faan nafatin deit,” dehan Rui.

Nia dehan tan, durante tempu ukun an nee nia kontinua faan modo, hudi, no seluk-seluk tan.

“Ami faan nee halai tuir tempu deit, tanba bainhira modo sira barak entaun ema mos hola, maibe iha tempu serka sanitaria no konfinamentu obrigatoriu nee modo ho aifuan sira nee dodok hotu,” tenik nia.

Durante estadu emerjensia nee sira hein ema lori husi modo no aifuan, fehuk, talas sira nee husi Same, Manatuto mai maka borong tutan deit.

Iha fatin hanesan, Lourença Soares dehan, durante tempu serka sanitaria no konfinamentu obrigatoriu nee, ema ladun sosa modo no aifuan.

“Ami faan iha tempu serka sanitaria no konfinamentu obrigatoriu nee ema ladun hola ami nia modo sira neebe maka ami faan, neebe modo sira nee dala ruma dodok hotu,” katak nia.

Nia informa tan, maske ema lasosa mos sira kontinua faan, tanba liu husi faan sasan sira nee maka hodi sustenta moris lor-loron.*

Reportajen: Natalina Lopes
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: