DILI, STLNEWS.co – Negosiante Maria Soares hatete, kada loron faan modo hodi selu oan sira nia eskola.
“Hau loron-loron faan modo iha dalan ninin mak selu oan sira nia eskola no hola hahan hodi sustenta moris,” dehan nia ba STL iha Bekora, Sabadu nee (23/07/2022).
Nia hatutan, modo sira nee hola iha merkadu Taibesi no Hera mak hodi faan fila-fali, modo nee ema kesi hamutuk futun boot ida US$ 4,00 se lae US$ 3,50 hanesan nee.
“Depois mak ami faan fali, loron- loron fila liman ida nee mak bele sosa ba buat ruma atu han no sosa labarik sira ninia nesesidade, se lae osan laiha,” tenik nia.
Agora daudaun sasan folin sae hotu, neebe atu hola buat ruma sei hanoin barak, tanba osan neebe mak faan modo nee hetan rendimentu oituan deit no la barak ida.
Neebe ho sasan folin sae makaas iha merkadu nee halo ami sosa la kotu, tanba ami la servisu, loron-loron mak faan deit modo, faan mak ema hola netik diak, maibe la hola nee tristi los.
(nat)
