Faan Modo Hodi Sustenta Moris

DILI, STLNEWS.co – Inan feto Marquita Guterres haktuir, moris iha sidade la fasil, buat hotu tenke hola ho osan. Tanba nee atividade moris neebe nia halao mak halao negosiu ho faan modo, hodi bele sustenta moris loron – loron nian.

“Ita moris iha Dili nee tenke halao netik atividade ruma, hodi bele sustenta netik moris loron – loron nian. Hau nia atividade maka halo negosiu kiik, modo tahan sira hola iha merkadu Taibesi maka mai faan fali iha nee. Modo neebe hau faan mak hanesan modo tahan no koto nurak sira nee ba borong deit maka mai faan fali,” dehan nia ba STL iha nia knaar fatin Caicoli, Dili, Tersa nee (16/11/2021).

Nia haktuir, bainhira ema hola netik modo sira nee, nia fila uma hodi sosa foos, mina, liis, no seluk – seluk tan hodi tau iha uma.

Iha fatin hanesan, Januario Soares mos haktuir, nia loron – loron maka faan modo sira, para bele hola fali ba hahan sira han.

“Hau faan modo nee hau nia hakarak rasik maka faan, bainhira faan tiha hetan osan, entaun osan sira nee hau bele rai diak balun, no balun fo ba alin sira selu bemo ba eskola,” nia afirma.

Faan modo nee konforme sorte deit, dala ruma ema hola diak nee to’o US$ 10 hanesan nee, dala ruma hola deit US$ 5,00 nian.

(nat)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...