Faan Nuu Haleu Merkadu Maliana Sustenta Familia

MALIANA, STLNEWS.co – Negosiante neebe faan nuu iha merkadu Maliana hetan rendimentu diak, tanba nuu neebe nia sosa iha nia huun, kada fuan ida ho presu 0,50 sentavus, lori ba faan ho presu US$ 1 fuan ida, gerobak isin ida bele hetan to’o US$ 40, maibe uluk corona foin mosu nee, loron ida bele hetan to’o US$ 100.

Kestaun nee fo sai husi negosiante nuu, Pedro Nehi ba STL Sabadu nee (09/10/2021) iha Postu Administrativu Maliana, Munisipiu Bobonaro.

“Hau kontente ho negosiu nee, tanba loron ida bele hetan US$ 40, maibe uluk Corona foin mosu nee, rendimentu diak loron ida bele hetan to’o US$ 100, tanba ema tauk corona no hemu nuu been mos barak, tan nee ita tula fuan atus ida iha gerobak laran, la to’o loron manas hotu, maibe agora rendimentu tuun, tanba nee loron ida hetan deit US$ 40,” dehan negosiante nee.

Kada loron Pedro Nehi sai husi uma iha oras dader, bainhira tuku 08:00, Nehi iha ona nuu huun hodi halo negosiasaun ho nuu nain sira, hafoin kontratu presu lolos mak nia foin sae ba nuu leten hodi hatun nuu, hafoin tula ba gerobak hodi lao hafutar sidade Maliana, tanba atu hetan osan hodi sustenta vida familia, no selu oan sira nia eskola.

“Hau halo negosiu faan nuu haleu merkadu Maliana, hahu iha tinan 2016 mai to’o agora, no rendimentu neebe hetan hodi halo uma, no selu oan sira nia eskola,” dehan negosiante nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...