Faan Nuu Laloir, Selu Kursu & Sustenta Uma Laran

DILI, STLNEWS.co – Hakarak halo mudansa ba moris, lalika moe halo negoisu iha ema barak nia oin, tanba liu husi negosiu mak bele sustenta moris iha sidade.

Situasaun nee mak Germenjildo Kolo, husi Munisipiu Oekusse enfrenta. Nia la moe hasoru ema barak, nia halo negosiu nuu laloir iha dalan publiku Kampung Merdeka.

“Tanba moe la fo han ita, no la fo hau kursu lian koreia, tanba nee hau tenki faan nuu laloir mak foin selu kursu koreia no selu bemo inklui selu kos, no mos hola hahan han,” dehan Germenjildo wainhira dada lia ho jornalista STL, Kinta nee (12/05/2022),

Germenjildo hanesan oan kiak, tanba inan aman la iha ona, nia hela ho nia alin nain rua neebe sei eskola, tanba nee nia esforsu hodi buka osan liu husi faan nuu hodi susenta familia uma laran.

“Hau nian inan aman mate hotu ona, tanba nee hau ho alin nain rua foti desizaun mai Dili faan nuu laloir, no mos hau nia alin nain rua fila husi eskola mai ba faan pentolan tama bairru-bairru, ita tenki simu realidade moris nee hodi susenta nesesidade uma laran, naran katak hetan han meudia, kalan nia labele falta,” nia koalia ho matan been.

Iha fatin seluk, Horcio da Costa Fatima ho idade 21, neebe faan faan hela katupa no ikan iha UNITAL Bekora dehan, wainhira hakarak iha mudansa ba moris labele moe faan sasan saida deit.

“Atu hetan osan rahun ruma hodi susenta ita nia nesesidade rasik, tanba moe ho bonitu tau tiha ba kotuk, hisik kosar hodi buka osan hadia ita nian moris, ita labele tane liman nafatin ba inan aman,” nia esplika.

(jen)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...