Federico Triste Fogaun Timor Ema Lahola

DILI, STLNEWS.co – Koordenador grupu Defisiensia Moris Buka Rasik (DMBR), Federico Hornay dehan, nia triste tanba governu estende hela deit serka sanitaria no konfinamentu obrigatoriu hodi defikulta ema lahola sira nia fogaun rai neebe sira produs tiha ona.

“Hau sente triste tebes tanba governu estende hela deit SS no KO nee defikulta tebes ba ami nia atividade produs fogaun rai, tanba ema lahola ami nia fogaun neebe maka ami produs tiha ona,” katak nia ba STL liu husi telefone, Sesta (04/06/2021).

Nia informa, fogaun neebe sira produs tiha ona mos agora ema lahola, tanba serka sanitaria nee.

“Agora nee lahanesan uluk, tanba ema nunka hola ami nia produtu neebe ami produs ona, tanba situasaun ida hanesan nee ema labele lao ba mai no ema tenke iha uma deit, entaun ami nia fogaun nee ema lahola ida,” tenik nia.

Nunee mos traballador, Jeronimo Mendonca dehan, fogaun neebe durante nee sira produs ema ladun hola hanesan tinan sira uluk liuba.

“Bainhira ami produs tiha fogaun maka ema lahola nee halo ami sente triste tebes,” haktuir nia.

Nia esplika tan, fogaun nee sira produs sei barak hela maibe tan deit serka sanitaria no konfinamentu obrigatoriu nee ema labele halo movimentu ba mai para bele hola fogaun sira nee.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: