Fidelis Apoiu Orsamentu Rihun US$ 3 Ba CVTL

Ministru Prezidensia Konsellu Ministrus (MPKM), Fideis Leite Magalhães oferese nia salariu vensimentu fulan ida ho montante rihun US$ 3 ba Cruz Vermelha Timor Leste (CVTL), hodi apoiu ba vitima inundasaun neebe dadaun nee konsentra ona iha edifisiu CVTL. (Foto: STL/Alberto Menezes)

DILI, STLNEWS.co – Ministru Prezidensia Konsellu Ministrus (MPKM), Fideis Leite Magalhães oferese nia salariu vensimentu fulan ida ho montante rihun US$ 3 ba Cruz Vermelha Timor Leste (CVTL), hodi apoiu ba vitima inundasaun neebe dadaun nee konsentra ona iha edifisiu CVTL.

Hafoin entrega orsamentu rihun US$ 3 ba Prezidente CVTL Madalena Hanjam, Ministru Prezidensia Konselu Ministrus (MPKM), Fidelis Leite Magalhães hateten, osan rihun US$ 3 neebe nia entrega ba CVTL nee mai husi nia salariu vensimentu fulan ida nian.

“Hau mai iha CVTL hodi fo apoiu tuir hau nia kapasidade pesoal neebe hau iha hanesan ho osan rihun US$ 3, husi hau nia salariu vensimentu fulan ida nian hanesan membru governu ida,” dehan Fidelis iha edifisiu CVTL, Formoza, Tersa (06/04/2021).

Nia dehan, ho apoiu neebe nia fo bele apoiu CVTL responde ba nesesidade vitima inundasaun iha kapital Dili.

“Ida nee hanesan parte ida servisu hamutuk ho CVTL, para tau matan ba ita nia populasaun sira neebe hasoru susar tanba kauza husi dezastre naturais,” dehan nia.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here