Floresta Sei Fo Valor Ekonomia

Vise Ministru Turismo Komersiu Industria, Domingos Lopes. (Foto: MTCI)

DILI, STLNEWS.co – Ema hotu iha dever atu proteje area Floresta, tanba hanesan parte ida neebe fo valor ekonomia, iha merkadu rai laran nomos rai liur.

Vise Ministru Turismo Komersiu Industria, Domingos Lopes, apela ba sidadaun Timoroan sira hotu, liu liu joven sira oinsa atu proteje setor florestal iha TL ho diak.

“Ita hotu sidadaun iha dever, oinsa proteje ita nia floresta ho diak, tanba setor ida nee mos, iha iha valor ekonomia, tan nee husu ba joven sira atu proteje didiak setor floresta iha Timor Leste ho diak, hanesan nasaun seluk nian,” dehan Vise Ministru Turismo Komersiu Industria, Domingos Lopes, iha Centru Covensaun Dili (CCD).

Nia hatutan floresta mak bele fo mahon diak ba produtu sira neebe mak kuda iha rai laran, liu liu kaffe no vanilla, tanba produtu sira nee presiza aimohon diak, tan nee husu ba povu sira atu dezenvolve ai horis sira nee ho diak.

No ai horis sira nee mos iha nia vantajen boot ida, nia bele sai fatin turismo ida neebe diak ba vijitante estranjeiru sira, husi ida nee bele kontribui mos tasa turismo ba estadu.

Governante nee mos apresia ba planu governu nian neebe liu husi Ministeriu Agrikultura no Peskas (MAP) Diresaun Jeral Floresta neebe, halao ona konservasaun florestal iha area protejida 44 inklui parte nasional rua.*

Reportajen: Madelana Horta
Editora: Carme Ximenes

LEAVE A REPLY

Please enter your comment!
Please enter your name here