Forsa Naval EUA Konklui Reabilitasaun Postu Saude KADABUNAK

DILI, STLNEWS.co – Embaixador Estadus Unidus Amerika (EUA) ba Timor Leste, Kevin Blackstone ho Ministra Saude Odete Maria Freitas Belo, partisipa iha serimónia inagurasaun Postu Saude KADABUNAK iha loron 21 Maiu 2021, neebe lokaliza iha Postu Administrativu Cristo Rei.

Reabilitasaun nee realiza ho fundu husi Forsa Naval EUA ho montante $152,839 no postu saude neee sei benefisia rezidente liu 5,000 iha suku lima.

Iha biban nee Embaixador Blackstone agradese kontrator Timoroan nain sia neebe kontribui sira nia matenek ba projetu ida nee. Ekipa nee konstrui sala farmasia, sala konsulta maternidade, sala konsulta jeral no sala laboratóriu. Sira mos troka uma ninia kakuluk, tau azulejiu foun, foru, hadiak janela no instala tangki bee litru 5,000.

“Hau orgullu tebes ho servisu neebe halao ona liu husi parseria entre Estadus Unidus no Timor-Leste,” tenik nia.

Embaixador Kevin Blackstone hateten, “hanesan imi hotu hatene, Forsa Naval EUA konesidu iha Timor-Leste, tanba sira nia servisu neebe kualidade iha konstrusaun sala eskola no postu saude sira durante tinan sanulu nia laran. Ami orgullu atu kombinasaun matenek husi Forsa Naval EUA no esperiensia komprovada husi kompañia lokal sira hodi haboot kapasidade setor saude nian iha nasaun ne’e. Traballador lokal ne’ebé profesional fo sira nia domin no klamar ba projetu ne’e hodi servisu oras naruk durante tempu Covid-19 nian hodi asegura postu saude ne’e bele finaliza ho didiak no exelente. Ami haksolok bele kontribui ba setor saude no mos ekonomia lokal,” dehan Embaixador Kevin Blackstone liu husi karta komunikadu imprensa, neebe STL asesu iha Sesta (21/05/2021) nee.

Nia hatete, fundu forsa naval EUA nian ba projetu ida nee, parte ida husi Estadus Unidus ninia fundu apoiu umanitária no programa kapasitasaun ba responde dezastre iha Timor Leste.

Partisipa iha serimonia nee hola parte mos husi Prezidente Munisípiu Dili, Gaspar Soares no Xefe Suku Camea, Matos da Costa.*

Reportajen: Ekipa STL
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: