Fos Armajen Governu Lamamuk

Maski Timor Leste (TL), iha situasaun surtu Covid-19, maibe fos iha armajen governu nian sei la mamuk, tanba governu importa fos husi liur mai rai laran. Prezidente CLN, Augosto Junior Trindade afirma, dadaun nee parte husi CLN rasik simu ona pedidu husi lina Ministerial, pedidu sira nee tama mai ona iha CLN, para husu fos hodi fo apoiu ba maluk sira neebe mak afeita ba inundasaun iha Munisipiu Covalima no seluk tan. (Foto Ilustrasaun: GSE)

DILI, STLNEWS.co – Maski Timor Leste (TL), iha situasaun surtu Covid-19, maibe fos iha armajen governu nian sei la mamuk, tanba governu importa fos husi liur mai rai laran.

Prezidente CLN, Augosto Junior Trindade afirma, dadaun nee parte husi CLN rasik simu ona pedidu husi lina Ministerial, pedidu sira nee tama mai ona iha CLN, para husu fos hodi fo apoiu ba maluk sira neebe mak afeita ba inundasaun iha Munisipiu Covalima no seluk tan.

“Hau hanoin iha situasaun Covid-19, governu liu husi desizaun ida husu para ita hatama fos iha rai liur, hamutuk 30 ribuh ton, husi 30 ribu ton nee, prosesu hotu lao ona iha ita nian armajen governu nian 30 ribu ton, husi numeru nee ita tau ba iha rezerva,” dehan Augosto ba STL, iha nia knaar fatin Bebora, Dili, Kuarta (16/12/2020).

Maibe nia dehan, foin dadaun iha ona pedidu mai husi Sekretariu Estadu Protesaun Sivil ba 10 mil toneladas, hodi hasoru inundasaun neebe akontese iha Munisipiu Covalima, CLN transporta ona fos nee,ba protesaun civil hodi halo distribuisaun ba afetadu sira.

CLN mos hetan ona despaisu husi MCAE, hodi apoiu 3 mil toneladas ba RAEOA, ida nee iha ona prosesu agora iha ona enkontru ho parte RAEOA para atu halo distribuisaun.

Nia hatutan sira mos hetan pedidu husi MSSI ba mil toneladas, neebe mak iha ona prosesu, para bele entrega ona fos nee ba grupu funerabel sira, neebe mak tuir pedidu sira tama mai, maibe ida seluk mak iha mos pedidu ida husi MTCI ba 8 toneladas, nee ba distribui no entrega tiha ona ba sira.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here