Fos Iha Loja Mamuk; Stok Armajen Governu 18.000 Toneladas

Stok fos iha armajen governu nian, too agora sei hela 18.000 toneladas no tuir planu sei aloka ba Oecusse 3.000 toneladas, no ba munisipiu 12 ba etapa primeiru 12.000 toneladas, tan nee kada munisipiu sei hetan uluk 1.000 toneladas. (Foto: Espesial)

DILI, STLNEWS.co – Stok fos iha armajen governu nian, too agora sei hela 18.000 toneladas no tuir planu sei aloka ba Oecusse 3.000 toneladas, no ba munisipiu 12 ba etapa primeiru 12.000 toneladas, tan nee kada munisipiu sei hetan uluk 1.000 toneladas.

Prezidente Centru Logistik Nasional (CLN), Augosto Junior hatete, stok fos iha armajen governu nian, too agora sei hela 18.000 toneladas no tuir planu sei aloka ba Oecusse 3.000 toneladas, no ba munisipiu 12 ba etapa primeiru 12.000 toneladas, tan nee kada munisipiu sei hetan uluk 1.000 toneladas, no ba programa sesta bazika 750 toneladas. Apoiu umanitariu sei reserva 2.000 toneladas ba MSSI, no restu sei rezerva iha armajen CLN hodi akompana demanda merkadu.

“Ita haree katak stok fos iha loja sira nee balun laiha ona no balun hahu menus, tanba nee setor privadu sira hahu halimar folin fos iha merkadu, tanba nee CLN iha ona kalendariu de distribuisaun, maibe tenke nafatin liu husi koordenasaun ho autoridade munisipiu sira,” dehan Prezidente CLN, Augosto ba STL, Kuarta (11/03/2021),

Tuir nia katak, aprovizionamentu CLN servisu makaas hela, hein katak munisipiu hotu iha tempo badak nee sei hetan nia dereitu ba intervensaun fos governu nian ho montante 1.000 toneladas kada munisipiu, ida nee ba primeiru faze, no sobre Oecusse. CLN liu husi despaisu MCAE, planu atu distribui 3.000 toneladas maibe tanba transporte, foin mak tula sai husi armajen CLN 5.000 sakas.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here