Futuru Portu Dili Sai Sentru Komersial

DILI, STLNEWS.co – Politika governu liu husi APORTIL planeadu ona, atu dezenvolve portu Dili sai sentru komesial, bainhira portu muda ona ba Tibar.

“Ami iha ona hanoin ida katak, bainhira portu Tibar finaliza no muda ona portu Dili ba Tibar, maka parte relevante hanoin ona atu hadia portu Dili sai hanesan sentru komersial, ho nunee bele atende turista sira, no ro Cruzeiro neebe tula turista sira mai vizita ita nia turizmu iha TL, ro Cruzeiro sei atraka deit iha Portu Dili no nia sei la ba atraka iha portu Tibar,” kestaun nee fo sai husi Prezidente APORTIL, Flavio Cardoso ba STL, Sesta (02/07/2021) iha nia knaar fatin portu Dili.

Nia afirma liu tan, politika ida nee APORTIL prepara ona, no hein deit atu lori ba aprezenta iha ministeriu relevante, maibe planu nee iha tiha ona, bainhira portu Dili muda ba Tibar, maka fatin nee tenke kria duni sentru komersial ida hodi atende turista sira iha futuru.

Iha fatin hanesan emprezariu lokal, João Moniz hatutan, politika APORTIL nian nee diak tebes, atu nunee aban bain rua portu muda ona ba Tibar mos, fatin nee bele uza nafatin hodi fasilita vizitante sira husi rai liur mai, maibe atu sai hanesan sentru komersial maka governu tenke envolve parte hotu hotu mai iha nee, hanesan loke restaurante, faan produtu Timor nian, atu nunee bainhira ema liur mai karik, foin tun iha portu Dili sira hatene ona identidade Timor nian.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: