Golgota Mall Hahu Rame Ho Bazar Baratu

Atu tama ba loron boot Natal ho Tinan foun maka, negosinte sira hahu okupa Golgota Mall hodi faan sira nia roupa ho folin neebe baratu, tanba atu hetan netik bukae iha loron boot. (Dok. STL)

DILI, STLNEWS.co – Atu tama ba loron boot Natal ho Tinan foun maka, negosinte sira hahu okupa Golgota Mall hodi faan sira nia roupa ho folin neebe baratu, tanba atu hetan netik bukae iha loron boot.

Liu husi Intervista Antonio Amral (negosiante) hatete, hahu kedas iha loron ida fulan Dezembru negosiante sira barak maka mai hasu autorizasaun ba parte relevante hodi mai faan sasan iha Golgota Mall, sasan sira nee barak liu roupa nomos nesesidade basiku balun.

“Bazaar baratu iha Golgota Mall, laos foin halo iha tinan ida nee, maibe kuaze tinan tinan ita halo, liu liu iha loron boot natal ho Tinan foun, tanba lisaun ema nian, loron boot natal ho Tinan foun nee tenke sosa roupa foun, balun hakarak sosa iha Mall laran, no balun hakarak sosa iha moll liur, sosa iha liur folin baratu, negosiu hanesan oportunidade ba ema hotu atu buka netik bukae iha loron boot natal ho tinan foun,”dehan negosiante Antonio ba jornalista, iha nia knaar fatin Golgata Mall, Kuarta (09/12/2020).

Nia afirma roupa sira neebe faan iha liur nia folin la hanesan ho sira neebe faan iha laran, faan iha liur baratu maibe iha moll laran karun, tanba nee depende sorte, semak sorte diak loron id abele hetan $10 too $50 ou bele liu, maibe sorte laiha loron ida hetan deit $20 mai karaik, maibe ema hotu buka osan ho pasensia, tanba atu hetan buka netik bukae ba loron boot nee.

Iha fatin hanesan Terezinha da Cunha hatutan, bazar baratu laos iha deit Golgota Mall, maibe iha Colmera nomos fatin sira seluk, maibe rame liu maka Golgota moll, ema tama sai iha fatin neebe seguru tanba seguransa iha.

“Ami hakarak faan roupa iha nee tanba fatin seguru, seguransa sira metin tan nee halo ema hotu hakarak mai iha nee, maibe atividade nee lao too loraik tenke taka no ema hotu fila ba uma dader maka mai loke, bazaar baratu iha Golgota Mall nee hahu kedas iha loron 1 fulan Dezembru, no sei taka bain hira tinan foun,” dehan negosiante nee.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here