Governu Alerta Ba Populasaun Neebe Ho Salariu Liu $500, Devolve Osan Subsidiu $200

Ministru Prezidensia Konsellu Ministrus (MPKM), Fidelis Leite Magalhães. (Foto: MPKM)

DILI, STLNEWS.co – Governu apela ba populasaun ka individu neebe ho salariu kada Fulan liu $500, neebe iha fulan hirak liu ba simu subsidiu $200, atu devolve fali osan neebe sira simu.

Ministru Prezidensia Konsellu Ministrus (MPKM), Fidelis Leite Magalhães hateten, populasaun neebe la tuir forma lolos atu hetan apoiu monetariu neebe mak governu fo iha tempu hirak liu ba, atu devolve fila osan neebe sira simu ba Ministeriu Solidaridade Sosial no Inkluzaun (MSSI).

Nunee Primeiru Ministru apela ona iha Parlamentu Nasional, nomos parte KAK, Providoria dos Direitus Humanus, nomos Inspetor Jeral rasik mos neebe apelu ona.

“Governu apela ba individu sira neebe sente katak la ho forma lolos ka, la merese atu simu apoiu monetariu neebe governu iha tempu hirak liu ba, hanesan simu dala rua ka rendimentu familia nia as liu $500, atu fo fila fali ba Minesteriu Solidaridade Sosial no Inkluzaun, nunee la presiza aplika medidas koesiva ba sira,” dehan Ministru Prezidensia Konsellu Ministrus (MPKM), Fidelis Leite Magalhaes, iha Palasiu Governu, Dili, Segunda (07/09/2020).

Fidelis hatutan, wainhira individu sira kumpri medidas sira, neebe governu fo mak sei aplika medidas koesiva ba individu hirak nee.

“Maibe sei individu sira nee la kumpri apelu neebe governu hasai, mak ba oin governu sei aplika medidas koesiva ba individu sira neebe mak halo abuzu ba apoiu neebe governu fo,” nia esplika.

Hatutan pajina 2

LEAVE A REPLY

Please enter your comment!
Please enter your name here