Governu Aprova Dekretu Lei Kria Suplementu Renumeratoriu Trabalhador Administrasaun Publika

DILI, STLNEWS.co – Governu liu husi Konsellu Ministru aprova ona projetu dekret lei ba kriasaun suplementu remuneratoriu ida ba traballador sira administrasaun publika nian, neebe fo sira nia atividade profisional iha servisu sira prevensaun Covid-19 ka iha kondisaun direta espozisaun ba virus SARS-Cov-2.

Projetu dekretu lei ba kriasaun suplementu remuneratoriu ba traballador sira administrasaun publika, aprezenta husi Ministru Finansa, Rui Augusto Gomes.

Tuir Ministru Prezidensia Konselu Ministru (MPKM), Fidelis Leite Magalhães katak, membru Konsellu Ministru aprova ona dekretu lei hodi kria suplementu renumeratoriu ba funsionariu Administrasaun Publika neebe durante nee, fo ona sira nia serbisu ba iha prevensaun Covid-19.

“Valor ba suplementu remuneratoriu nee sei estabelese liu husi Rezolusaun Governu nian no bele muda tuir grau risku nian neebe traballador sira nee hasoru,” dehan Ministru Fidelis, hafoin remata enkontru KM, iha Ministeriu Finansa, Kuarta (02/06/2021).

Nia hatutan, funsionariu Administrasaun publiku neebe sei hetan suplementu renumeratoriu husi Governu, mak hanesan pesoal saude, trabalhador sira neebe halao serbisu iha Sentru Integradu Jestaun Krize.

Projetu Dekretu Lei ida nee sei produz efeitu sira hahu iha loron 1 fulan Abril tinan 2021.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: