DILI, STLNEWS.co – Governu Indonezia bandu exporta mina mai Timor Leste (TL), tanba merkadu Indonezia limitasaun mina bimoli, entaun labele halo exporta, nee fo impaktu ba TL.
Nia dehan, governu Indonezia bandu labele exporta mina mai TL, tanba iha merkadu Indonezia akontese limitasaun ou kelangkaan.
“Tanba atitude espekulador sira hola hotu tiha mina hodi faan fali ho folin aas. Kondisaun iha leten afeta ba kredibilidade governu neebe mak lidera husi Prezidente Jokowi, entaun atu rezolve problema nee Prezidente Jokowi impede atu labele halo exportasaun ba rai liur ho objetivu atu atende lai nesesidade rai laran. Politika nee bele fo implikasaun mai TL. Iha merkadu mina folin komesa sae iha loja sira,” lia hirak nee hatoo husi Observador Politika UNTL, Felisberto de Carvalho ba STL liu husi telefone, Tersa nee (26/04/2022).
Nia dehan, iha loja sira mina komesa la iha, depois maioria sasan neebe kategoria hanesan sembaku nee exporta husi Indonezia.
Tuir observasaun STL haree iha terenu katak, mina halo modo agora folin sae makaas tebes, tanba nee fo impaktu ba komunidade sira neebe mak hola.
(nat)
