Governu Kontratu Kompania Artalapan Strategi Logistik Fasilita Ro Ahi Tula Pasajeiru Ba RAEOA & Atauro

DILI, STLNEWS.co – Relasiona ho ro ahi Berlin Nakroma neebe avaria no tempu badak ro ahi Succes mos sei halo manutensaun iha Indonezia, nunee labele transporta pasajeiru sira husi Dili ba RAEOA & Atauro.

Tanba nee governu liu husi Ministeriu Transporte Komunikasaun halo ona kontratu ho kompania Artalapan Strategi Logistik husi Indonezia fasilita ro ahi ida ho naran Transit Gresik hodi tula pasajeiru RAEOA ho Atauro.

Tuir Ministru Transporte Komunikasaun (MTK), Jose Agustinho da Silva katak, audensia ho Primeiru Ministru (PM), Taur Matan Ruak nee atu relata atividade serbisu, neebe durante nee lao liu liu kona ba konektividade maritima nian.

“Audensia ho Primeiru Ministru Taur Matan Ruak atu relata kona ba atividade serbisu neebe liga ba iha Minesteriu Transporte no Komunikasaun nia kompetensia. Hanesan liga ba iha konektividade transporte maritima nian, no ita hotu hatene katak ro ahi Berlin Nakroma avaria ona iha tinan kotuk,” dehan MTK, Jose ba jornalista, iha rezidensia Xefe Governu Farol, Dili, Segunda (24/05/2021).

Governante nee dehan, lolos ro ahi Berlin Nakroma ba ona halo manutensaun iha Indonezia, maibe tanba sitausaun pandemia Covid-19, nunee impede planu sira neebe iha.

Tanba nee nia dehan, durante nee ro ahi Berlin Nakroma avaria, ro Succes mak durante nee fasilita hotu pasajeiru sira husi RAEAO – Atauro, maibe tinan tolu ona la halo manutensaun nunee tempu besik sei aranka ba iha Indonezia hodi halo manutensaun.

“Durante nee ro ahi Berlin Nakroma avaria, ro Succes mak durante nee asegura hela prosesu viajen sira husi Dili ba Atauru ho RAEOA. Maibe tinan tolu ona la ba halo manutensaun tanba nee tempu badak nia laran sei ba iha Indonezia para halo manutensaun, nunee ba oin bele asegura prosesu transportsaun maritima iha Timor Leste,” dehan nia.

Tuir nia, ho situasaun nee governu la iha alternativas para asegura transportasaun maritima nia hanesan iha situasaun estadu emerjensia, serka sanitaria, no konfinamentu obrigatoriu, liu liu iha kapital dili nee movimentu ema nia limita hotu tuir rezolusaun neebe mak governu hasai.

Maibe pedidu atendimentu emerjensia governu autoriza no fasilita, maibe tenki iha koordenasaun neebe mak iha.

Tanba nee mak agora governu liu husi Minesteriu Transporte Komunikasaun (MTK), APORTIL iha ona solusaun oinsa mak asegura ita nia movimentu transportasaun maritima liu husi kontratu ho kompania Artalapan Strategi Logistik husi Indonezia aluga ro ho kapasidade tula pasajeiru 300 no sasan todan 1.580 toneladas, nunee bele asegura konektividade maritima entre Dili – Atauro nomos RAEOA.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: