Governu Laiha Baze Foti OJE 2020

Ofisiais Sosiedade Sivil AJAR, Inocencio de Jesus Xavier. (Foto: STL/Santina Castro)

DILI, STLNEWS.co – Sosiedade Sivil AJAR, nia hatene VIII-Governu Konstitusional laiha baze legal foti Orsamentu Jeral Estadu (OJE) 2020. Tanba tuir lei tenke mai ho IX- Governu foin bele foti OJE nee.

Tuir Ofisiais Sosiedade Sivil AJAR, Inocencio de Jesus Xavier, lolos Primeiru Ministru agora laos VIII Governu Konstitusional, maibe primeiru ministru ba IX- Governu Konstitusional, tanba iha koligasaun foun.

“Loloos VIII-Governu laeziste ona, eziste maka IX-Governu, tanba koligasaun laeziste tiha ona, no rahun ona,” katak Inocencio ba STL iha nian knar fatin Farol Dili, Segunda (19/10/2020).

Sosiedade Sivil nee konsidera katak, VIII-Gober laiha ona tanba uluk mosu VIII-Governu koligasaun ida antes CNRT, PLP no KHUNTO. Maibe agora koligasaun fun tan nee hatudu katak VIII-Governu laiha ona baze atu foti osan. Maibe kuandu ho IX-governu, laiha dalan atu foti osan.

Tanba laharee husi perspetiva politika, maibe haree husi aktu juridiku lei kuatrus legais. Tanba wainhira koligasaun CNRT sumba tiha orsamentu liu husi votus abstensaun laos kontra. Tanba momentu nee Fretilin maka kontra, depois orsamentu nee lapasa governu monu iha momentu neeba.

Tan nee PM, Taur Matan Ruak hatoo nian karta demisaun ba Prezidente da Republika, Francisco Guterres Lu Olo, maibe Prezidente da Republika rasik lahalo pronunsia ba aktu demisaun nee. Iha fali parte seluk neebe maka PR husu Partidu Politiku sira halo movimentasaun politikus. Hodi forma koligasaun foun hodi prense IX-Governu Konstitusional. Ho nunee iha momentu neeba CNRT maka konsege forma koligasaun foun hodi indizita Xanana Gusmao ba PM.

Ikus mai PR hatete katak koligasaun nee seidauk prense rekezitus tanba seidauk iha konferensia partidu. Entaun iha momentu nee konferensia hotu kedas, partidu Khunto halo konferensia no mos nomeasaun pozisaun indizita Xanana Gusmao ba PM. Maibe lakonsege akontese, tanba PR lapronunsia katak koligasaun nee prense ona rekezitus kalae, konferensia nee, ida nee PR lahalo, ikus mai kontinua mantein governu da ualu, neebe lidera husi PM Taur Matan Ruak, Fretilin tama hodi biaviliza governasaun nee.

Tanba nee, governu da VIII laeziste, neebe tuir lei, tanba liu tiha ona periodu fulan 6, governu nee monu tiha ona. Liu fulan 3 maka fretilin tama hodi biaviliza governasaun nee.

Se wainhira governu da ualu nee laeziste, oinsa nia lezitimidade prepara orsamentu ida, tanba nia tenki mai ho estrutura ida IX-Governu Konstitusional foin bele no merese foti osan.

“Hau nia entendementu, konsidera katak governu ida agora foti OJE nee ilegal, tanba governu rasik laiha baze. Iha mos parte balun tan neebe konsidera ilega, tanba kabe ba governu nia ezistensia. Governu nee labele eziste tiha ona wainhira mai nafatin ho VIII-Governu,” nian dehan.

Nunee mos, katak Inocencio, ezistensia governu nee tanba politika deit ona laos lei. Tanba nee agora sei haree buat lubuk ida, maske OJE aprova ona, oinsa atu haree iha futuru.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here