Governu Lakontrola Presu Fos

DILI, STLNEWS.co – Presu fos sae makas, tanba menus kontrola husi governu no fo espasu ba kompania distributor hasae presu hodi hetan lukru iha situsaun surtu Covid-19.

Tuir Diretor Luta Hamutuk, Jose Alves da Costa (Asaloy) katak, folin fos neebe dadauk nee sae makas, ezemplu uluk iha tinan 2019 – 2020 sira neebe iha armajen fos kilo 25 faan kada saka ida $10,25 – 10,25. Nunee sira neebe faan tutan ba konsumedores kada 25 kilo faan ba $11,00 – $11,25, maibe bainhira pandemia nee iha governu aplika estadu emerjensia, serka sanitaria, ho konfinamentu obrigatoriu halo folin fos komesa sae, iha armajen faan ona ba $12,50 – $12,75 centavos, too agora balun sae tiha too ona $13 dolar no balun sae $13,50.

Nunee, iha Dili fos folin sae too ona $14 no iha foho faan ba $15, $16 ba leten liliu iha munisipal neebe dook husi Dili hanesan Lautem, Suai, no Oecusse folin fos kontinua sae makas.

“Hau hanoin fos folin sae iha merkadu tanba implika husi razaun pandemia, monopoli merkadu tanba fos mesak importadu, setor agrikultura durante nee governu la desenvolve ho diak nunee laiha konpetisaun ba folin iha merkadu no Governu laiha kapasidade hodi halo intervensaun ba folin iha merkadu relasiona ho pandemia,” dehan Diretor Ezekutivu Luta Hamutuk, Jose Alves da Costa ba STL liu husi telefone, Sesta (21/05/2021).

Nia afirma governu presiza halo intervensaun ba folin foos iha merkadu, liu liu kapital Dili nomos iha munisipiu sira, no labele tolera empreza sira neebe halimar folin sasan tanba agora iha tempu ida neebe defisil, governu hasoru pandemia no povu hasoru hamlaha tamba atividade hotu hotu sai paradu.

Lolos nee governu tenke halao nia funsaun iha situasaun ida agora, kontrola folin sasan iha merkadu atu nunee labele fo espasu ba kompania sira hodi halimar folin iha merkadu, karik governu la kontrola maka setor privadu bele uza oportunidade nee hodi hetan lukru iha situasaun defisil ida nee.

Iha parte seluk Fernando Marques, Xefe Suku Obulo, hatutan, folin fos laos sae deit iha nasional, maibe iha munisipiu too postu no suku mos fos folin sae makas, maibe konsumedor sira obriga aan sosa, tanba atu konsumu fos 25 kg ho presu $14,75, balun $15 dolar, 20 kg ho presu $13 dolar, ida nee todan tebes ba povu kiik neebe laiha rendimentu atu sosa ba sira nia uma laran.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: