Governu Loke Konkorsu Ba Kompania Fornesedor Kombustivel Sentral Eletrika Hera

Ministru Prezidensia Konselu Ministru (MPKM), Fidelis Leite Magalhães. (Foto: MPKM)

DILI, STLNEWS.co – Konsellu Ministru delibera ona kona ba fornesimentu kombustivel nian ba sentral eletrika Hera, neebe determina hodi halo konkursu publiku internasional no aprovizionamentu tranzitoriu ho perodu masimu fulan ualu.

Projetu deliberasaun nee aprezenta husi Ministru Finansas (MF), Rui Agusto Gomes.

Tuir Ministru Prezidensia Konselu Ministru (MPKM), Fidelis Leite Magalhães katak, Konsellu Ministru foti ona desizaun hodi estende kontratu ba kompania ETO ho Mato, hodi fornese kombustivel ba sentral eletrika Hera.

“Konsellu Ministru halo desizaun hodi ajusta deireitu ba iha estensaun ba kompania ETO ho Mato, hodi fornese kombustivel ba sentral eletrika Hera durante fulan 8 tan,” dehan Ministru Fidelis, iha Palasiu Governu, Dili, Kuarta,(06/01/2021).

Fidelis dehan, governu deside halo estensaun kontratu Kompania fornesedor Kombustivel ba sentral eletrika Hera, nunee fo tempu ba Komisaun Nasional aprovizionamentu hodi hare ba konkursu neebe antes nee halo ona.

“Sei iha fali retenderizasaun ba prosesu fornesimentu Kombustivel ba sentral eletrika Hera hafoin fulan 8 nia laran, Komisaun Nasional aprovizionamentu bele halo hikas proseu tender no aprezenta rezultadu mai konselu ministru hodi halo apresiasaun,” nia esplika.

Aliende nee Primeiru-Ministru no Ministru Interior, Taur Matan Ruak no Sekretariu Estadu Protesaun Sivil nian, Joaquim José Gusmao dos Reis Martins aprezenta opsaun politika lejizlativa sira hanesan baze ba projetu kona-ba Organika Autoridade Protesaun Sivil nian.

Projetu nee ho objetivu atu define atribuisaun, kompetensia sira no estrutura organika Autoridade Protesaun Sivil nian, liu liu iha prevensaun no reasaun ba asidente grave sira no katéstrofe, prevensaun no protesaun ba populasaun no superintendensia ba atividade sira bombeirus nian

Nunee iha Konsellu Ministru nee mos Ministru Koordenador Asuntus Ekonomikus, Joaquim Amaral halo aprezentasaun ida kona ba projetu neebe iha relasaun ba fundu Klimatiku Matak Salva guarda ba Komunidade Rural sira no ninia ativu fiziku sira kontra dezastre neebe kauza husi Klima iha Timor Lest iha ambitu Fundu Matak ba Klima nee.

Fundu ida nee hakarak atu limita no hamenus emisaun gas sira ho efeitu estufa nian iha nasaun sira neebe iha hela faze dezenvolvimentu nia laran no tulun sosiedade vulneravel sira hodi adapta an ba impaktu hirak neebe labele evita husi mudansa klimatika.

Fundu nee hahd iha fulan marsu tinan 2020 no sei implementa too fulan-marsu tinan 2026, ho objetivu atu apoiu populasaun rural sira, neebe kona barak liu ameasa oioin tanba kauza husi klima, ho aumentu ba kapasidade adaptasaun nian.

Rezilensia no resposta ba alterasaun klimatika sira. Entre atividade oioin iha ambitu projetu ida nee, inklui kriasaun ba sistema saneamentu baziku, sistema irrigasaun nian, reflorestasaun no konstrusaun no reabilitasaun ba infraestrutura sira.*

Reportajen: Alberto menezes
Editora: Carme Ximenes

LEAVE A REPLY

Please enter your comment!
Please enter your name here