Governu Realiza Seminariu Nasional Jornada Orsamental

DILI, STLNEWS.co – Governu Timor-Leste liu husi Ministeriu Finansas (MF) serbisu hamutuk ho Unidade Planeamentu, Monitorizasaun no Avaliasaun (UPMA), realiza Seminariu Nasional Jornada Orsamental ba Orsamentu Jeral Estadu (OJE) Tinan 2022 ho tema “Kualidade Orsamentu, Kresimentu Inkluzivu no Sustentavel”.

Seminariu Jornada Orsamental nee prezide husi Primeiru Ministru (PM) Jeneral Taur Matan Ruak ho objetivu prinsipal mak atu diskute Prioridades Nasional ba tinan oin no Determina Tetu Fiskall ida neebe realistiku ba OJE 2022.

Tuir Konstituisaun Repúblika Demokratika Timor-Leste, Artigu 145, fo kompetensia ba Governu atu prepara, elabora no submete OJE nuudar Proposta de Lei ba Parlamentu Nasional nuudar Órgaun Soberanu Lejislativu atu hetan aprovasaun.

Operasionalizasaun kompeténsia nee hatuur Ministeriu Finansas nuudar órgaun ida neebe mak dirije preparasaun no elaborasaun OJE tomak atu konklui tuir kalendáriu aprovadu husi Konsellu Ministrus.

Ministru Finansas, Rui Augusto Gomes iha nia deskursu hateten, too ohin loron, Timor Leste iha deit instrumentu ida neebe Governu uza hodi provoka kresimentu no dezenvolvimentu ekonomiku, mak Orsamentu Jeral Estadu. Atu instrumentu nee bele efetivu no efikaz, presija halo melloramentu lubuk ida, inklui rejime orsamental no jestaun finansas publika.

“Orsamentasaun bazeia ba Programa, nuudar meiu ida atu garantia katak osan sira kada tinan Ita foti husi Fundu Petrolíferu, kobransa impostu hosi kontribuinte sira, no emprestimu husi Doador sira, fo duni benefisiu ba Povu, hadiak kualidade prestasaun servisus publiku, no alkansa metas sira neebe mak Governu aprova ona,”dehan Ministru Finansas Rui Gomes iha salaun Auditoriu Kay Rala Xanana Gusmão, Ministeriu Finansas, Aitarak-Laran, Tersa (29/07/2021).

Durante Jornada Orsamental loron ida nee, ekipa tekniku husi MF no UPMA halo aprezentasaun kona ba Diretivas tuir Planu Estratejiku Dezenvolvimentu Nasional (PEDN) 2011-2030 no atualizasaun progresu sira neebe mak atinji ona liga ho PEDN no Planu Rekuperasaun Ekonomiku (PRE).

Ekipa tekniku sira mos aprezenta avaliasaun impaktu Covid-19 ba atividades sosiu ekonomiku iha ho nia implikasaun fiskal no ekonomiku, nesesidade no medidas esensial neebe presiza estabelese ba prevensaun no protesaun grupu vulneravel inklui implikasaun jeneru no normas sosial.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: