Governu Sei Implementa Programa Bolsa da Mae Ba Bebe Ho Idade Fulan 0-6

DILI, STLNEWS.co – Governu liu husi Ministeriu Soliedariedade Sosial Inklusaun ( MSSI) sei implementa bolsa da mae ba bebe hahú husi idade 0 too 6, ho osan $ 20 dólar kada fulan, ho objetivu atu redus problema malnutrisaun iha Timor Leste.

Tuir Diretor Jerál MSSI Rui Exposto, problema mal nutrisaun no kiak iha Timor Leste, programa nee sei implementa uluk iha munisípiu tolu hanesan Bobonaro, Ainaro no Oecusse Raeoa bazeia ba sensus 2015 nian.

“Programa nee foun, agora ita konsentra ba bolsa da mae jerasaun foun la’ós bolsa da mae ida agora dadauk eziste nee, ita investe uluk iha inan isin rua no primeiru infancia, subsidiu ba labarik ho difisente fo tan adiasional se karik inan nee partu bebe nee moris mai ho kondisaun difisente entaun hetan tan subsidiu 10 dollar adisional, tanba labarik difisente la hanesan ho labarik sira neebe moris ho normal,” esplika Rui Exposto iha Hotel Timor Dili, bainhira halao enkontru ho parseiro dezenvolvimentu sira Kinta nee (22/07/2021).

Nia hatutan, programa ne’e implementa atu redus insidensia pobreza no hadia saúde nutrisaun inan no labarik sira nia iha Timor Leste, tanba koalia kona ba nutrisaun nee hahu kedas inan isin rua too partus, bolsa da mae ida antes ne’e fulan ida $ 5 Dollar, maibé programa bolsa da mae jerasaun foun nee, sei hasae ba fulan ida $20 dólar, inan isin rua hetan $ 15, bebe neebe foin moris hetan tan $5 dollar, entaun totál 20 dollar ba labarik ida, nune’e ho pagamentu ne’e sei halo kada fulan ida ou fulan tolu dala ida, Subsidiu ne’e ho razaun katak inan isin rua bele sosa hahán nutritivu, atu nune’e bebe labele hetan mal nutrisaun.

Diretor Geral ne’e realsa tan kona ba prosesu administrasaun sei simplifika atu ema bele asesu ho lalais no programa nee rasik sei haree mos ho programa ministeriu sira seluk ba problema mal nutrisaun nian.*

Reportajen: Donaciano Magalhães
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...