Governu Sei Preve $200 Mil Ba Uma Lulik

Sekretariu Estadu Arte no Kultura(SEAK), Teofilo Caldas. (Foto: STL/Donaciano Magalhães)

DILI, STLNEWS.co – Governu liu husi Sekretariu Estadu Arte no Kultura (SEAK), sei preve orsamentu $200 mil ba uma lulik sira hamutuk 100 resin.

Tuir Sekretariu Estadu Arte no Kultura(SEAK), Teofilo Caldas hatete, VIII governu liu husi SEAK fo apoiu ba komunidade sira halo uma lulik nee, bazeia ba proposta neebe komunidade sira hatama iha 2019 too 2021 pur volta 400 resin propostas.

“Ita aprova ba verifika ona atu fo osan nee hamutuk 212 propostas, husi nee mos tenke priense rekezitus maka governu fo apoiu,” informa nia ba jornalista sira, iha Salaun João Saldanha University (JSU), Becora, Tersa (23/02/2021).

Teofilo hatutan, primeiru halo uma lulik ho material tradisional, segundu progresu uma lulik tenke atinji ona 25, 75 no 100%, neebe sei fo tanba 100% sira seidauk inagura, fo apoiu $1.000 ka $2.000 para kustu ba inagurasaun.

Kuandu peskiza nee produs livru ida para atu halo rezolvesaun no konservasaun ba patrimonio kultural, maibe atu apoiu fali ba halo uma lulik nee, proposta husi komunidade.

“Tinan ida nee ita atu apoiu 100 resin uma lulik, neebe mak komunidade hetan proposta 200 resin maibe iha verifikasaun hatudu ita sei apoiu 100 resin, neebe kada uma lulik ita bele fo $3 too $4 mil, tanba ita preve deit $200 mil resin iha tinan nee,”.

Nia afirma, atu implementa iha segundu trimestral ita fo ona apoiu osan nee, para ami mos iha kronograma nee tenke implementa osan nee tuir kronograma neebe ministeriu ho SEAK iha.*

Reportajen: Joaninha Belo/Blandina Mauno
Editora: Domingas Gomes

LEAVE A REPLY

Please enter your comment!
Please enter your name here