Governu Seidauk Responde Ba Povu Nia Hamlaha

DILI, STLNEWS.co – Governu aprova ona Orsamentu Ratifikativu (OR) billaun US$ 2.1, maibe governu seidauk uza osan nee hodi responde ba povu sira nia hamlaha.

“Governu aprova ona osan ratifikativu billaun US$ 2.1, maibe governu seidauk responde preokupasaun povu hamlaha no Governu ida nee laiha kapasidade atu ezekuta osan neebe iha,” dehan observador politika Universidade Nasional Timor Leste (UNTL), Felisberto de Carvalho ba STL, liu husi telefone, Sesta (11/06/2021).

Nia hatutan, Governu ida nee mos lakon ona konfiansa husi povu, tanba povu hakilar hamlaha maibe governu nonok. Karik Governu nonok nee keta osan laiha, nee diak liu loke espasu ba povu hodi buka rasik aihan ba sustenta sira nia moris.

Iha fatin ketak, Akademista Universidade Dili (UNDIL) atual Vise Reitor III, Hugo Lourenço da Costa dehan, governu laiha ona fuan ho domin ba povu iha nasaun RDTL, la transparente kona ba povu, kona ba osan nee aprova mai ka lae, serake governu haknaok tun sae para dada estadu emerjensia no konfinamentu obrigatoriu ba deit interese poder, hodi utiliza Covid-19 mate klamar nee bosok nafatin povu no dudu povu ba sofrementu ekonomia i sosial.

Governu la transparante nee mak halo povu sofre laos ba Covid, maibe sofre ba hamlaha, lakon servisu, lakon hela fatin, no lakon vida, tanba katak sistema politika nee maka oho povu.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: