Governu Tenke Dezenvolve Setor Turizmu

DILI, STLNEWS.co – Governu tenke dezenvolve iha setor turizmu ho nunee bele kontribui reseita ba kofre estadu, redus dependensia ba fundu mina rai.

Tuir Dekanu Fakuldade Siensia Sosiais UNTL, Camilio Ximenes Almeida katak, atu labele depende makas ba fundus mina rai maka, governu tenke dezenvolve makaas iha setor turizmu, ho nunee bainhira Covid-19 laiha bele atrai turista sira.

“Ita haree governu iha politika neebe diak ba setor turizmu, maibe dala ruma ema sira neebe atu halo jestaun ba fatin turistiku sira nee maka ladun diak, tanba nee maka fatin turizmu hanesan Kristu Rei husik abandona hela, oinsa atu hetan resetas husi neeba,” dehan Dekanu UNTL nee ba STL, iha nia knaar fatin Caicoli Dili, Kinta (15/07/2021).

Nia afirma, nasaun avansadu sira nee barak maka uza tempu ida agora nee hodi hadia sira nia fatin turistiku sira nee, atu nunee bainhira Covid nee hotu turista sira mai vizita karik iha fatin neebe diak kompletu ho fasilidade, maibe iha TL kuaze governu investe makas ba setor saude, tanba atu salva povu husi surtu Covid-19. No governu la hanoin atu investe iha setor produtivu hodi kontribui reseitas ba kofre estadu.

Lolos nee aproveita situasaun Covid, Governu tenke investe makaas ba fatin turistiku sira neebe too agora seidauk dezenvolve, liu liu fatin sira neebe uluk gerrilla sira subar, tanba fatin sira nee sai potensial tebes atu atrai turista sira mai vizita, maibe governu la hadia infraestrutura maka nee susar atu kontribui reseitas.

Iha parte seluk Diretor Ezekutivu Luta Hamutuk, Jose Alves hatutan, durante tinan barak nia laran, TL depenede makas ba fundu minarai, tanba setor produktivu sira neebe atu kontribui reseitas ba kofre estadu nee governu seidauk dezenvolve diak.

Atu kontribui reseitas ba kofre estadu maka governu tenke investe makaas iha setor agrikultura, turizmu, portu, aeroportu no sira seluk tan, selae maka tinan ba tinan dependensia TL nian sei boot ba fundu mina rai.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: