Governu Tenke Iha Data Fiksu Ba Pagamentu

Deputada Bankada CNRT, Virgina Ana Belo. (Foto: Quochoi.VN)

DILI, STLNEWS.co – Deputada Bankada CNRT, Virginia Ana Belo, husu governu tenke iha data fiksu pagamentu salariu ba funsionariu sira, atu nunee ema labele bilin bala.

Nia dehan, funsionariu sira neebe too agora seidauk simu nafatin sira nia salariu.

“Hau hakarak atu husu deit ba governu data lolos servidor estadu, sira simu sira nia diretu nee iha sa data, governu tenke iha data fiksu ida atu labele halo ema bilin bala hanesan ida agora nee, se liu husi data nee tenke fo esplikasaun ba funsionariu sira halo favor,” dehan nia liu husi iha PN, Segunda (01/02/2021).

Nia dehan, ema sira nee presta sira nia servisu durante fulan ida, maibe tanba sa maka salariu ohin loron laiha.

Funsionariu barak teb-tebes kestiona iha ospital, ita ninia enfremeiru sira, Ministeiru Justisa ho profesores sira neebe too agora seidauk simu sira nia vensimentu.

Nia salienta, problema lolos nee iha neebe, i labele promete ba ita nia ema sira hanesan nee halo favor husu haraik aan ba ita boot sira.*

Reportajen: Domingas Soares
Editor: Carme Ximenes

LEAVE A REPLY

Please enter your comment!
Please enter your name here